නවසීලන්ත ක්‍රිකට් නායිකා සොෆී ඩෙවින් ලොව වේගවත්ම පන්දුවාර 20 ශතකයේ ලෝක වාර්තාව පන්දු 36 කින් පිහිටවුයේ හයේ පහරත් සමඟිනි.
කෙසේ නමුත්, පන්දුව ඇදී ගියේ නරඹන්නන් අතරේ තරගය නරඹමින් සිටි මවක සහ ඇගේ උකුලේ වූ සිඟිති දියණියක් දෙසටය.
අනපේක්ෂිත අයුරින් පන්දුව එම දියණියගේ මුහුණේ වැදුණේ සෙසු සොෆී ඩෙවින් පමණක් නොව, සෙසු ක්‍රීඩිකාවන් සහ නරඹන්නන් මොහොතකට නිහඩ කරමිණි.
ලෝක වාර්තාවක් පිහිටුවීමේ සතුට අමතක කරමින් සිද්ධිය ගැන කනගාටු වූ සොෆී පිටිය මැද දණින් වැටුණේ තමන් අතින් වරදක් සිදුවුණැයි කම්පා වෙමිනි.
කෙසේ නමුත් වාසනාවකට පන්දුව වැදීමෙන් දැරියට තුවාලයක් සිදුවූයේ නැත.
සොෆී ඩෙවින් ඇතුළු සෙසු ක්‍රීඩිකාවෝ දැරිය වෙත ගොස් ඇගේ සුවදුක් විමසා බැලීමට ද අමතක නොකළය.
නවසීලන්ත මාධ්‍ය ඇසුරිනි
