මවිත : Mawitha.com : All the latest Sri Lanka and world breaking news and current affairs in Sinhala: ඇහැට කනට - Entertainment

Hot

Stay Safe

Showing posts with label ඇහැට කනට - Entertainment. Show all posts
Showing posts with label ඇහැට කනට - Entertainment. Show all posts

Sep 11, 2026

Toxic අසාර්ථකයි

September 11, 2026
යෂ්ගේ රංගනයෙන් හැඩවුණු, ගීතු මෝහන්ඩාස් අධ්‍යක්ෂණය කළ ටොක්සික් (Toxic) චිත්‍රපටය ඉන්දියානු සිනමා ඉතිහාසයේ වාර්තාගත වැඩිම අලාභය ලැබූ සිනමා නිර්මාණය බවට පත්වීමට නියමිත බව ඉන්දීය මාධ්‍ය පවසයි.

මීට පෙර, මෙලෙස වැඩිම අලාභය ලැබූ සිනමා නිර්මාණය බවට පත්වූයේ ප්‍රභාස් ප්‍රධාන චරිතය නිරූපණය කළ 'ආදිපුරුෂ්' (Adipurush) ය. 

අගෝස්තු මස 26 වන දින තිරගත වීම ආරම්භ කරන ලද මෙම චිත්‍රපටයේ නිෂ්පාදන කටයුතු සඳහා රූගත කිරීම් ප්‍රමාද වීම් සහ යළි රූගත කිරීම් (reshoots) හේතුවෙන් ඉන්දියානු රුපියල් කෝටි 500ත් 800ත් අතර අධික පිරිවැයක් දරා තිබේ. 

 අපේක්ෂිත මට්ටම කරා ළඟා වීමට අපොහොසත් වීම හේතුවෙන් වර්තමානය වන විට ලොව පුරා සමස්ත ආදායම රුපියල් කෝටි 337ක් වැනි සීමාවක සිරවී තිබේ. සිනමා වෙළඳ විශ්ලේෂකයන්ගේ ගණනය කිරීම්වලට අනුව, මෙම චිත්‍රපටයේ සමස්ත පාඩුව ඉදිරියේදී ඉන්දියානු රුපියල් කෝටි 300ක් දක්වා ඉහළ යනු ඇතැයි ඇස්තමේන්තු කර ඇත. 

චිත්‍රපටය ආරම්භයේදී යම් ප්‍රබල ආදායමක් වාර්තා කළ ද, ලැබුණු දුර්වල ප්‍රේක්ෂක ප්‍රතිචාර හමුවේ එහි ආදායම් මාර්ගය සීඝ්‍රයෙන් පහත වැටුණි. අපේක්ෂිත මිලකට ඩිජිටල් විකාශන අයිතිය (Digital Rights) අලෙවි කරගැනීමට නොහැකි වීම ද මෙම දැවැන්ත මූල්‍ය අලාභයට ප්‍රබල ලෙස බලපෑ බව පැවැසෙයි. 

විශේෂයෙන්ම චිත්‍රපටයේ ඉංග්‍රීසි පිටපත සඳහා මුළු ඉන්දියාවෙන්ම අලෙවි වී ඇත්තේ ප්‍රවේශ පත්‍ර 450ක් පමණක් වන අතර, එයින් ලැබී ඇත්තේ රුපියල් ලක්ෂයකට ආසන්න ඉතා සුළු ආදායමකි. 

මෑත කාලීනව ඉන්දීය සිනමාව තුළ විශාලතම පාඩු ලැබූ ප්‍රධාන චිත්‍රපට ලැයිස්තුව පහත පරිදි දැක්වේ: 

• Toxic (2026) – ඉන්දියානු රුපියල් කෝටි 300 
• Adipurush (2023) – ඉන්දියානු රුපියල් කෝටි 200 – 225 
• Indian 2 (2024) – ඉන්දියානු රුපියල් කෝටි 170 
• War 2 (2025) – ඉන්දියානු රුපියල් කෝටි 150 
• Kanguva (2024) – ඉන්දියානු රුපියල් කෝටි 135 
•Radhe Shyam (2022) – ඉන්දියානු රුපියල් කෝටි 125 
• Game Changer (2025) – ඉන්දියානු රුපියල් කෝටි 120
තව කියවන්න
at
Tags

Sep 4, 2026

සක්වළ වීරයෝ: Lanterns

September 04, 2026
DCU සුපිරි වීරයන් අතරේ, විශ්වයේ සාමය සුරකින පොලිස් නිලධාරීන් මෙන් ක්‍රියා කරන ග්‍රීන් ලැන්ටර්න්වරුන් ඇසුරින් නිර්මාණය වුණු, HBO හරහා විකාශය වන ලැන්ටර්න්ස් (Lanterns) ටෙලි කතා මාලාව මේ වනවිට ඉහළ ප්‍රේක්ෂක අවධානයක් දිනාගෙන අවසන්ය. 

ලැන්ටන්ස් චිත්‍රකතාවලින්, කාටූන්වලින් සහ කාටූන් චිත්‍රපටවලින් ජනප්‍රිය වූ හැල් ජෝර්ඩන්, ග්‍රීන් ලැන්ටර්න්වරයා පාදක කර ගනිමින් ලැන්ටර්න්ස් (Lanterns) ටෙලි කතා මාලාව නිර්මාණය වී ඇත. 

ලැන්ටර්න්ස් (Lanterns) හරහා ජෝන් ස්ටුවර්ට් ද ප්‍රේක්ෂක අපට හඳුන්වා දෙයි. කතාමාලවට අනුව, ජෝන් ස්ටුවර්ට් යනු හැල්ගෙන් පසු ඔහුගේ මුද්ද ලබා ගැනීමට පුහුණුව ලබන අනුප්‍රාප්තිකයාය. 
ඇමෙරිකාවේ නෙබ්‍රැස්කා ජනපදයේ රෂ්විල් නමැති කුඩා නගරයේ මනුෂ්‍ය වෙසින් සැගවී සිටින පිටසක්වළ ජීවීන් කිහිප දෙනකු ඝාතනය වීම සහ එය පිටුපස සිටින්නේ කවුරුන්දැයි අනාවරණය කර ගැනීම ලැන්ටර්න්ස් (Lanterns) ටෙලි කතා මාලාවේ ප්‍රධාන කතා තේමාවය. 

ඊට අමතරව, හැල් ජෝර්ඩන්ගේ සහ ජෝන් ස්ටුවර්ට්ගේ චරිතවල පසුබිම් කතා ද ප්‍රධාන කතා තේමාවට සමගාමීව ගලා යයි. ඒ, අතීතයට සහ අනාගතයට නරඹන්නන් රැගෙන යමිනි. 

හැල් ජෝඩන් ලෙස චරිත නිරූපණය කරන්නේ ජනප්‍රිය මෙන්ම සම්මානනීය නළු කයිල් චැන්ඩ්ලර්ය. ජෝන් ස්ටුවර්ට් ලෙස චරිත නිරූපණය කරන්නේ ජනප්‍රිය නළු ඇරන් පියේර්ය. ඊට අමතරව, DCU විශ්වයේ අලුත් සුපර්මෑන් චිත්‍රපටයෙන් දකින්න ලැබුණු ගායි ගාඩ්නර් ග්‍රීන් ලැන්ටර්න්වරයා ද මෙම කතාමාලාවේ දකින්න ලැබේ. ගායි ගාඩ්නර් ලෙස චරිත නිරූපණය කරන්නේ ජනප්‍රිය නළු නේතන් ෆිලියොන් ය. 
රෂ්විල් නගරයේ ෂෙරිෆ් ලෙස කටයුතු කරන කෙරී කේන් ලෙස කෙලී මැක්ඩොනල්ඩ්, ඇගේ සැමියාගේ පියා මෙන්ම පිටසක්වළ තර්ජනවලින් පෘථිවි වැසියන් ආරක්ෂා කළ යුතු යැයි අන්තවාදීව සිතන විලියම් මේකන් ලෙස ගැරෙට් ඩිලාහන්ට් ද, ඔහුගේ බිරිඳ සෝයි මේකන් ලෙස ඉන්දීය සම්භවයක් සහිත ඇමෙරිකන් නිළි පූර්ණා ජගන්නාතන් ද සෙසු චරිතවලට පණ පොවති. 

ඩේමන් ලින්ඩෙලොෆ්, ක්‍රිස් මුන්ඩි සහ ටොම් කිංග් ප්‍රකට නිර්මාණකරුවන්ගේ එකතුවෙන් නිර්මාණය වී ඇති ලැන්ටර්න්ස් (Lanterns) කතා මාලාව, සාම්ප්‍රදායික සුපිරි වීර කතාවලින් ඔබ්බට ගිය සංකීර්ණ, අඳුරු සහ කුතුහලය පිරි අත්දැකීමක් ප්‍රේක්ෂකයාට ලබා දෙයි. 

චිත්‍රපටයේ නපුරන් ලෙස සැලකෙන්නේ මෑන්හන්ටර්ස් (Manhunters) ය. DCU විශ්වයේ මෑන්හන්ටර් (Manhunter) යන වදන සම්පූර්ණයෙන්ම එකිනෙකට වෙනස් ලෙස භාවිතයට ගැනෙයි. ඒ, මෑන්හන්ටර්ස් (Manhunters) සහ මාෂන් මෑන්හන්ටර් (Martian Manhunter) ලෙසය. 

මෑන්හන්ටර්ස් Manhunters යනු ග්‍රීන් ලැන්ටර්න් බලකාය තැනීමට පෙර එම බලකාය නිර්මාණය කළ ගාඩියන්ස් නමැති නිල් පැහැති සුදු හිස කෙස් ඇති ප්‍රමාණයෙන් කුඩා ‘ගාඩියන්ස්’ නමැති ජීවීන් විසින් විශ්වයේ සාමය රැකීමට නිර්මාණය කරන ලද ස්වයංක්‍රීය රොබෝ හමුදාවකි. 

මෙම රොබෝවරුන්ගේ දෝෂයක් නිසා, ඔවුන් හැඟීම් විරහිතව සිදු කළ ජන සංහාරයක් නිසා මෑන්හන්ටර්ස් මෑන්හන්ටර්ස් අක්‍රිය කර දැමීමට ගාඩියන්වරු කටයුතු කළහ. පසුව ඔවුන්ව අක්‍රිය කර ඒ වෙනුවට ග්‍රීන් ලැන්ටර්න් බලකාය පිහිටුවන ලදී. මෑන්හන්ටර්ස්, ලැන්ටර්න්වරුන්ගේ ප්‍රධාන සතුරන් පිරිසකි. 

මාෂන් මෑන්හන්ටර් (Martian Manhunter) යනු ජෝ-ජෝන්ස් Jonn Jonzz නමැති අඟහරු ග්‍රහලෝකයෙන් පෘථිවියට පැමිණෙන, සුපර්මෑන් වැනි පිටසක්වළ සුපිරි වීරයෙකි. DCU විශ්වයේ ජස්ටිස් ලීග් කණ්ඩායමේ ආරම්භක සාමාජිකයකු වන්නේ මාෂන් මෑන්හන්ටර් ය. සිතුවිලි කියවීමට (telepathy), ශරීරයේ රූපය වෙනස් කිරීමට (shapeshifting) සහ සිරුර විනිවිද යා හැකි ලෙස වෙනස් කර ගැනීමට මාෂන් මෑන්හන්ටර් ට හැකියාව ඇත. 
කෙටියෙන් කීවොත්, මෑන්හන්ටර්ස් යනු විශ්වයේ ආරක්ෂාව සඳහා නිර්මාණය කළ රොබෝ හමුදාවක් වන අතර, මාෂන් මෑන්හන්ටර් යනු අඟහරු ග්‍රහයාගෙන් පැමිණ පෘථිවිය සහ විශ්වය රකින සජීවී සුපිරි වීරයෙකි. මොවුන් දෙපාර්ශ්වය අතරේ කිසිදු සම්බන්ධයක් නැත. ලැන්ටර්ස් නිර්මාණකරුවන් හිතාමතා චරිත වෙනස්කම්වලට ලක් කර ඇත. 

කතා මාලාවේ ‘ගාඩියන්ස්’ පිටසක්වළුයන්ට ඕනෑම ස්වරූපයක් ගැනීමට හැකියාව ඇත. ජනප්‍රිය මෙන්ම සම්මානනීය හොලිවුඩ් නිළි ලෝරා ලිනී ද ‘ගාඩියන්ස්’ පිටසක්වළයකු ලෙස චරිත නිරූපණය කරයි. කතාමාලවේ ‘ගාඩියන්ස්’ පිටසක්වළයන්ට, මාෂන් මෑන්හන්ටර් (Martian Manhunter) මෙන් ස්වරූපය වෙනස් කිරීම කරගත හැකිය. 

෴ ලුසිත ජයමාන්න
තව කියවන්න
at
Tags

මමිතා බයිජු හදිසියේම රෝහලට‍

September 04, 2026
දිනෙන් දින ජනප්‍රිය වන මලයාලම් රංගන ශිල්පිනී මමිතා බයිජු හදිසියේ රෝහල්ගත කෙරුණු බව පැවැසෙයි. ඒ, තද උණ සහ ඇගපත වේදනාව නිසාය. හදිසි අසනීප තත්ත්වය හේතුවෙන් ඇයගේ ඉදිරි සියලු කටයුතු අවලංගු වනු ඇතැයි පැවැසෙයි. 

ඕස්ට්‍රේලියාවේ 'Clyde Malayali Association' මගින් සංවිධානය කර තිබූ ඕනම් (Onam) සැමරුම් උත්සවයේ ප්‍රධාන ආරාධිත අමුත්තිය ලෙස සහභාගී වීමට නියමිතව සිටියේ මමිතායි. කෙසේ නමුත් අසනීප තත්ත්වය හේතුවෙන්, ඕස්ට්‍රේලියා ගමන අවලංගු කිරීමට සිදු වි ඇත. 

ඒ පිළිබඳව කණගාටුව පළ කරමින් බයිජු රෝහලේ සිට විශේෂ වීඩියෝ පණිවිඩයක් ද නිකුත් කර ඇත. සුවය ලැබූ සැණින්, ඕස්ට්‍රේලියානු රසික රසිකාවියන් හමුවීමට පැමිණෙන බව ඇය එම වීඩියෝ පණිවුඩය හරහා පොරොන්දුවක් ද දුන්නාය. මමිතා බයිජු නොපැමිණෙන බැවින්, සංවිධායකයන් අදාළ උත්සවය වෙනත් දිනයකට කල් දැමීමට තීරණය කර ඇත. 

මමිතා රෝහල්ගතව සිටින පුවතත් සමගම ඇය සම්බන්ධ පැරණි සම්මුඛ සාකච්ඡාවක්ද නැවතත් සමාජ මාධ්‍ය පුරා දැඩි ලෙස කතාබහට ලක් වෙමින් පවතී. ඒ, ධනුෂ් ප්‍රධාන චරිතය රඟපාන කාරා (Kara) දෙමළ චිත්‍රපටයේ ප්‍රධාන නිළි චරිතය සඳහා ඇය තෝරා ගැනීම සම්බන්ධයෙන් පැවැති සංවාදයක් මුල්කොට ගනිමිනි. 

 දෙමළ චිත්‍රපට සඳහා මලයාලම් නිළියන් යොදා ගැනීම පිළිබඳව නැගුණු ප්‍රශ්න හමුවේ අදහස් දැක්වූ මමිතා පවසා තිබුණේ, රංගන ශිල්පිනියක ලෙස විවිධ චරිත ඔස්සේ ඉදිරියට යෑම තමන්ගේ වගකීමක් බවත්, තමන්ට ලැබුණු අවස්ථාවෙන් උපරිම සාධාරණයක් ඉටු කිරීම සිය අභිප්‍රාය බවත්ය. 

චිත්‍රපටයේ අධ්‍යක්ෂ විග්නේෂ් රාජා ද මමිතාගේ තෝරා ගැනීම සාධාරණීකරණය කරමින් පවසා සිටියේ, අදාළ චරිතය සඳහා තරුණියන් 20-25 කගේ පමණ තිර පරීක්ෂණ (auditions) පැවැත්වූ බවත්, ඉන් සුවිශේෂී රංගන කෞශල්‍යයක් පෙන්වූයේ මමිතා පමණක් බවත්ය. එය හුදෙක් දක්ෂතාවය මත පදනම්ව ගත් කලාත්මක තීරණයක් මිස අනෙකක් නොවන බවද ඔහු වැඩිදුරටත් අවධාරණය කර තිබේ. 

මේ වනවිට ආදරණීය මමිතා බයිජුට ඉක්මන් සුවය ප්‍රාර්ථනා කරමින් ලොව පුරා සිටින ඇගේ රසික රසිකාවියෝ සමාජ මාධ්‍ය ඔස්සේ සුබ පැතුම් සහ නිරෝගී සුවය ප්‍රාර්ථනා කරමින් සිටිති. 

NDTV
තව කියවන්න
at
Tags

Aug 29, 2026

සංවරය ටෙලියේ චමත්කා

August 29, 2026
පූජනී භාග්‍යා නිතර දකින්න ලැබෙන රංගන ශිල්පිනියක ද නොවේ. ආරාධනා කොතරම් ලැබුණ ද අනවශ්‍ය ලෙස කාර්යබහුල වීමට අකැමැති පූජනී තමන් දායක වන නිර්මාණ ප්‍රමාණය සීමිත වූවත් දැඩි කැපවීමෙන් උපරිම සාධාරණයක් ඉටුකිරීමට වෙහෙසෙන රංගන ශිල්පිනියකි. ගයාන් – පූජනී කැදැල්ලට මුල්තැන දෙන ඇය නිදහස ලැබෙන පරිදි නිර්මාණ කටයුතුවලටද දායක වී සිටී. 

සංවරය ටෙලි නිර්මාණයේ චමත්කාගේ චරිතය ගැන කතා කළොත්? 
‘සංවරය’ ප්‍රියන්ත ප්‍රනාන්දුගේ අධ්‍යක්ෂණයක්. මට ආරාධනාව ලැබෙන්නේ ප්‍රියන්ත අයියාගෙන්. මීට කලින් ඔහුගෙන් ලැබුණු ආරාධනයට මට සම්බන්ධ වෙන්න බැරි වුණා. ඊට පස්සේ තමයි සංවරය ටෙලි නාට්‍යයට ආරාධනා ලැබෙන්නේ. ටික කාලයක් රංගනයෙන් ඈත් වෙලා ඉඳලා යළි දකින්න ලැබීමත් එක්ක නැවතත් ආරාධනා ගලාගෙන එන්න ගත්තා. 
සංවරය ටෙලි නිර්මාණය ගැන කතා කළොත් ... 
සමාජයේ පවතින සංකීර්ණ ගැටලු තමයි සංවරය හරහා කතාබහට ලක්වෙන්නේ. මධූ කියන ගම්බද තරුණියගේ මව විදෙස්ගත වෙලා ලංකාවට එන්න බැරිව විදෙස් රටක හිරවෙලා ඉන්නවා. මව ගෙන්වාගන්න ඇය චමත්කාගෙන් උදවු බලාපොරොත්තු වෙනවා. 

චමත්කා කොහොම කෙනෙක්ද? 
චමත්කා මාධ්‍යවේදිනියක්. ගුවන් නියමු කැප්ටන් නුගාර සේනානායක කියන්නේ ඇගේ පෙම්වතා. ඔහු නිවාඩු අරන් ලංකාවට එන්නේ ඔවුන් දෙදෙනාගේ විවාහය ගන්න හිතාගෙන. ඒත් චමත්කා කියන්නේ රැකියාවටම කැපවුණු යුවතියක්. රැකියාවේ වැඩ කිහිපයක් හේතුවෙන් දින දමාගත් තම විවාහයත් ඇය කල් දානවා. ඊට පස්සේ රැකියාවේ මෙන්ම තමන්ගේ පෞද්ගලික ජීවිතයේ ඇයට මුහුණදෙන්න වෙන ගැටලු ඔස්සේ තමයි කතාව ගලන්නේ. 
චමත්කා පූජනීට වඩා හාත්පසින් වෙනස් නේද? 
 ඇත්තටම ඔව්. චමත්කා කියන්නේ තමන්ගේ රැකියාවේ හීන පස්සේ දුවන තරුණියක්. පූජනී කියන්නේ ආදරය තමන්ගේ ජීවිතේ අංක එක විදිහට සලකන, ඒ ලැබුණු ආදරය ජීවිත කාලෙටම පරිස්සම් කරගන්න වෙහෙසෙන තරුණියක්. පූජනී තමන්ගේ රැකියාව වෙනුවෙන් පෞද්ගලික ජීවිතය කිසිසේත්ම අතනොහරිනවා වගේම භාරගත්ත වැඩක් කවදාවත් අතරමඟ දමා නොයන, අන් කිසිවකු අපහසුතාවට පත් නොකරන කෙනෙක්. 

චමත්කාට ලැබෙන ප්‍රතිචාර කොහෙමද? 
සෑහෙන ප්‍රතිචාර ලැබෙනවා. නුගාර නොසලකා හැරීම සම්බන්ධයෙන් නම් හොඳ ප්‍රතිචාර ලැබෙන්නේ නෑ. මගේ දෙබස්වලත් නපුරු ගතියක් තියෙන නිසා සමහර විට ප්‍රේක්ෂකයන් නොසන්සුන් වෙලා ඇති. පූජනී භාග්‍යා කියන්නේ කිසිසේත්ම එහෙම චරිතයක් නොවෙයි කියන එක ඔවුන් දන්නවා. ප්‍රතිචාර ලැබෙනවා කියන්නෙ මම හොඳින් චමත්කාගේ චරිතය කරනවා කියන එකනේ. ඒක සතුටක්. 
හෙශාන් මනුල ආදරවන්තයා විදිහට හමුවන පළමු අවස්ථාව නේද? 
 ආදරවන්තයා විදිහට හමුවෙන්නේ පළමුවතාවට. ඒත් මනුල අයියයි මායි නිර්මාණයකට දායක වන දෙවැනි අවස්ථාව. මීට කලින් සියත නාළිකාවේ විකාශය වුණු රේස් ටෙලි නිර්මාණයේ අපි වැඩ කළා. 

සංවරය ටෙලියේ වෙනසක් දකිනවද? 
සංවරය කියන්නේ සීමිත කොටස් ප්‍රමාණයක ටෙලි නිර්මාණයක්. මුළු පිටපතම මේ වෙද්දි අපට ලැබිල තියෙන නිසා අවසානය මොකක්ද කියන එක දැනටමත් දන්නවා. ඒ නිසා නිසි අවබෝධයකින් අපි කණ්ඩායම ම හරිම ලස්සනට වැඩේ කරගෙන යනවා. 
ප්‍රියන්ත ප්‍රනාන්දු වගේ සම්මානනීය අධ්‍යක්ෂවරයෙක් එක්ක වැඩ කරන්න ලැබීම කොහොමද?
ප්‍රියන්ත අයියා ගැන නම් කියන්නම ඕන. එයා කණ්ඩායමේ හැමෝම එක්ක විහිළු කරගෙන හරිම විනෝදයෙන් ඉන්න කෙනෙක්. ඒත් අදාළ වැඩේ වෙලාවට වැඩේම ඉන්න ඕන. ඔහුගෙන් ඉගෙන ගන්න ගොඩක් දේවල් තියෙනවා. ඒ වගේම එයාගේ ඕනෑම නාට්‍යයකට කුමක්ම හෝ සම්මානයක් ලැබෙනවාමයි. 

සිනමාවටත් සම්බන්ධයි කියලා ආරංචියි 
මගේ අලුත්ම චිත්‍රපටය තිළිණ බොරලැස්සගේ ‘මං හොයන්නේ ප්‍රේමයක්‘ තිරගත වෙනවා. සන්තුෂ්කි අභිලාෂි, දර්ශන් තවරාජ් ප්‍රධාන භූමිකාවලින් දායක වෙද්දී මමත් නිල්මිණී තෙන්නකෝන් අක්කත් උප ප්‍රධාන චරිතවලින් දායක වෙනවා. ආදරණීය කතාවකින් ඉතාම ඉක්මනින් තිරයෙන් හමුවෙන්න බලාපොරොත්තුවෙන් ඉන්නවා.
තව කියවන්න
at
Tags

අම්මයි දුවයි

August 29, 2026
උදාරි වර්ණකුලසූරිය රිදී තිරයේත්, පුංචි තිරයේත් දක්ෂ සම්මානනීය නිළියක්. ඇයට දියණියක සිටින කියන කාරණය ගොඩක් දෙනෙක් දන්නවා. උදාරි ඇ‌ගේ ආදරණීය දියණිය වෙනුවෙන් මුහුණුපතේ සදහන් කරලා තිබුණේ මෙවැනි සටහනක්. ‘ඔයා ඔයාගේම කෙනෙක් වෙනවා, ඔයාගේම පියාපත් හොයා ගන්නවා, මම ඉන්නවා ඔයාට ඔල්වරසන් දෙන්න. ජීවිතේ ඔයා කොහේ ගියත්, ඔයාගේ ආරක්ෂිත තැන තමයි හැමදාම ඔයාගේ අම්මා.’ පසුගිය දා උදාරි දියණිය සමග ලස්සන photo shoot එකකටත් එක් වුණා. 
උදාරි ඔයාගේ දුව ගැන විස්තර කීවොත් ...
මගේ දුව ශෙනාර්යා විජේරත්න ගායිකාවක විදිහට ක්ෂේත්‍රයට සම්බන්ධ වෙලා ඉන්නවා. ඇයට ලස්සනට ගීත ගායනය කරන්න පුළුවන්. ඇය සංගිතය හදාරන ගමන් උසස් අධ්‍යාපන කටයුතුත් කරගෙන යනවා. ඇය ඉන්නේ සිංගප්පූරුවේ. ‘ආයෙත් හමුවෙමු දිනකදී’ කියන ඇගේ අලුත්ම ගීතය රචනා කරන්නේ ඉසුරු වීරසිංහ. තනුව සහ සංගීත අධ්‍යක්ෂණය දක්ෂ, ජනප්‍රිය සංගීතඥ සංඛ දිනෙත්ගේ. මේ වෙද්දි රූප රචනයත් කරලා අවසන්. සිංහල සහ ඉංග්‍රීසි භාෂා ද්විත්වයෙන්ම ගීතය ගායනා කළා. මගේ කාර්යබහුලත්වය නිසා තාම රිලීස් කරගන්න බැරි වුණත් ඉතාම ඉක්මනින් රිලීස් කරන්න බලාපොරොත්තුවෙන් ඉන්නවා. 

ශෙනාර්යා දකින්න ලැබෙන්නේ ගායිකාවක් විදිහටද? 
ඇයට ගොඩක් කලා හැකියාවන් පිහිටලා තියෙනවා. දැනට ඇය ගායිකාවක්. ඒ වගේම චිත්‍ර අඳින්නත් පුළුවන්. ගිටාර් වාදනය, පියානෝ වාදනය ඉතාම හොඳින් පුළුවන්. කනට ඇහෙන ඕනෙම සින්දුවක් පියානෝ එකෙන් වාදනය කිරීමේ හැකියාව තියෙනවා. අධ්‍යාපනය පැත්තෙන් ගත්තත් ගොඩක්ම දක්ෂයි. 

ඇය රංගනයට යොමු වෙන්නේ නැද්ද? 
එහෙම අදහසක් නැහැ. ඒත් කලාව ඇඟේම තියෙනවා. ඇය ඒක විනෝදාංශයක් විදිහට කරන්නයි බලාපොරොත්තු වෙන්නේ. දුව ගැන මට හරිම ආඩම්බරයි. ඇය වෙනුවෙන් මහන්සි වුණු එක, කැපවුණු එක අපතේ ගියේ නෑ කියන සතුට දැනෙනවා. දුව ජීවිතයට ආපු එක මට ආශීර්වාදයක්. හරිම නිදහස් ළමයෙක්. කිසිම දෙයක් කියන්න ඕන නෑ. හැමදේම තනියම කරගන්නවා.
ධනංජය සිරිවර්ධනගේ ‘තාප්පෙන් පැන්නා’ සාමාන්‍ය රසවින්දනයට එහා ගිය ටෙලි නිර්මාණයක්. එහි ඇංජලාගේ භූමිකාවට පණ පොවන්නේ ද උදාරි ය. ඇංජලා යනු උදාරිගේ පුංචි තිරයේ අභියෝගාත්මකම රංගනයයි. ඒ වගේමයි, ‘තාප්පෙන් පැන්නා’ මොන වගේ අත්දැකීමක්ද? 
‘තාප්පෙන් පැන්නා’ ධනංජය සිරිවර්ධනගේ අධ්‍යක්ෂණයක්. චාමර ප්‍රසන්න කොඩිතුවක්කුගේ තිර රචනයක්. නිෂ්පාදනය චාමර සමරවික්‍රම. මං එහි සාමාන්‍ය රංගනයට එහා ගිය අත්දැකීමක් ලබනවා. ඇංජලා කියන්නේ ටිකක් සංකීර්ණ චරිතයක්. මම මේ ධනංජයත් එක්ක වැඩ කරන දෙවැනි අවස්ථාව. ධනංජය කියන්නේ ටිකක් වෙනස් විදිහට හිතන, වෙනස් විදිහට ලියන කෙනෙක්. මුලින්ම මටත් මේක ටිකක් අවබෝධ කරගන්න අමාරු වුණා. නමුත් හරවත් නිර්මාණයක්. 
තාප්පෙන් පැන්නට පස්සේ ඔබව දකින්න ලැබෙන නිර්මාණ මොනවාද? 
රනිල් කුලසිංහගේ ‘අවසන් ඡායාරූපය’ කියලා අලුත්ම ටෙලි නිර්මාණයකට සම්බන්ධ වෙලා ඉන්නවා. ඒකෙ මුල් පරිච්ඡේද ටික රූගත කරලා ඉවරයි. 
සිනමාව පැත්තෙනුත් උදාරිගෙ නම ඇහෙනවා නේද?
‘එකගෙයි සොකරි’ චිත්‍රපටය නොවැම්බර් මාසයේ තිරගත වෙනවා. ඒ එක්කම 'දේවි සම්බුලා' සහ 'සම්බුලා'  චිත්‍රපට ද්විත්වයත් එන්න නියමිතයි. ඊට අමතරව කලණ ගුණසේකර අධ්‍යක්ෂණය කරන අලුත්ම චිත්‍රපටයටත් සම්බන්ධ වුණා. මාත් එක්ක තුමිඳු දොඩම්තැන්න ප්‍රධාන භූමිකාවලින් සම්බන්ධ වෙනවා. මේක කළණගේ දෙවැනි චිත්‍රපට අධ්‍යක්ෂණය. ඔක්තෝබර් මාසයේ ලංකාවේ සහ ඩුබායිවල රූගත කෙරෙනවා. 

උදාරි දෙමළ සිනමාවට සම්බන්ධ වුණා කියලා ආරංචියි? 
පසුගිය දවස්වල මට දෙමළ සිනමාපටයකට ආරාධනා ලැබුණා. මේ දිනවල ඒකෙත් රූගතකිරීම් සිදු වෙනවා. ෆිල්ම් එකේ නම ‘ග්‍රේ’. ලී මුරලිගේ අධ්‍යක්ෂණයක්. අධ්‍යක්ෂවරයා ජැෆ්නා ටැමිල් කෙනෙක් වුණත් ප්‍රඩක්ෂන් එක ඉන්දියාවේ. දකුණු ඉන්දියානු රංගන ශිල්පීන් ශිල්පිනියන් එක්කයි මං සම්බන්ධ වෙන්නේ. ග්‍රේ භාෂා හතරකින් නිර්මාණය වෙනවා. රටවල් ගණනාවකම ප්‍රදර්ශනය වෙනවා. මේක කාන්තාවක් මූලික කරගෙන නිපදවන සීරියල් කිලර් චිත්‍රපටයක්. 
තව කියවන්න
at
Tags

Aug 27, 2026

Toxic නිසා රුක්මිණීට විවේචන

August 27, 2026
‘Kantara: Chapter 1’ චිත්‍රපටයේ කනකවති ලෙස ප්‍රේක්ෂක ආදරය දිනූ සුරූපී රුක්මිණී වසන්ත්ගේ කැපී පෙනෙන රංගනයක් ද ‘Toxic: A Fairy Tale for Grown-Ups’ සිනමාපටයෙන් දකින්න ලැබේ. සුපිරි නළු යෂ්, කියාරා අද්වානි, නයන්තරා, හුමා කුරේෂි සහ තාරා සුතාරියා වැනි සුපිරි තරු පිරිවරාගත් මෙම දැවැන්ත නිර්මාණයේ රුක්මිණී වසන්ත් පණපොවන්නේ 'මැලීසා' ගේ චරිතයටය. 

චිත්‍රපටය තිරගත වීමත්, ඊට ලැබෙන යහපත්, අයහපත් ප්‍රතිචාර අතරේ, චිත්‍රපටයේ ඇති 29 හැවිරිදි රුක්මිණීගේ සරාගී දර්ශනයක් මේ වන විට සමාජ මාධ්‍ය ඔස්සේ කතාබහට ලක් වෙයි. මෙය, රුක්මිණීගේ රසික රසිකාවියන්ගේ අප්‍රසාදයට හේතුවක් වී ඇතැයි ද පැවැසෙයි. ඇය 'ටොක්සික්' වැනි චිත්‍රපටයක, සරාගී දසුන්වලට පෙනී සිටීමට තීරණය කළේ ඇයිදැයි ඇගේ රසික රසිකාවියෝ විමසති. 
1996 දෙසැම්බර් 16 වනදා ඉන්දියාවේ බෙංගලූරු හිදී උපත ලැබූ රුක්මිණී වසන්ත්, වර්තමාන දකුණු ඉන්දීය සිනමාවේ කෙටි කාලයකින් ජනප්‍රියත්වයට පත් වූ ප්‍රමුඛතම රංගන ශිල්පිනියකි. ඇගේ පියා 2007 වසරේදී රට වෙනුවෙන් දිවි පිදූ අශෝක චක්‍ර සම්මානලාභී කර්නල් වසන්ත් වේනුගෝපාල් වන අතර, මව ප්‍රවීණ භරතනාට්‍ය ශිල්පිනී සුභාෂිණී වසන්ත් ය. 
කුඩා කල සිටම කලාත්මක පරිසරයක හැදී වැඩුණු ඇය, රංගනය පිළිබඳ උසස් අධ්‍යාපනය ලන්ඩනයේ පිහිටි සුප්‍රකට 'Royal Academy of Dramatic Art' (RADA) ආයතනයෙන් හදාරමින් සිය ශිල්පීය හැකියාවන් තවදුරටත් ඔප්නංවා ගත්තාය. 

2019 වසරේ නිකුත් වූ 'Birbal Trilogy' කන්නඩ චිත්‍රපටයෙන් සිනමාවට පිවිසි රුක්මිණී වසන්ත්, රංගන දිවියේ විශාලතම හැරවුම් ලක්ෂ්‍යය වූයේ 2023 වසරේ 'Sapta Saagaradaache Ello' (Side A / Side B) චිත්‍රපටවල 'ප්‍රියා' ලෙස දැක්වූ අතිදක්ෂ රංගනයයි. ඒ වෙනුවෙන් ඇය Filmfare Critics Award සම්මානයෙන්ද පිදුම් ලැබුවාය. 
Kantara: Chapter 1 චිත්‍රපටයේ කනකවති ලෙස ...

ඉන්පසු රුක්මිණී වසන්ත්, රිෂබ් ශෙට්ටිගේ 'Kantara: Chapter 1' චිත්‍රපටයේ 'කනකවති' ගේ චරිතය හේතුවෙන් ඇය වයා රසික රසිකාවියන් බොහෝ දෙනෙක් ඒක් රොක් වූහ. කණ්ණඩ සහ තෙලිගු සිනමාවට පමණක් සීමා වුණු රුක්මිණී වසන්ත්, දැන්, යෂ් ප්‍රධාන චරිතය නිරූපණය කරන, 'Toxic: A Fairy Tale for Grown-Ups' හරහාඇය සමස්ත ඉන්දියානු සිනමාව තුළම තමන්ගේ නම සටහන් කර අවසන්ය.
තව කියවන්න
at
Tags

Aug 17, 2026

බලෙන් ලැබුණු හාදුව

August 17, 2026

ඉන්දියානු සිනමාව සහ විලාසිතා ක්ෂේත්‍රය තුළ තම අනන්‍යතාව සටහන් කළ නිකිතා රාවල් යනු රංගන ශිල්පිනියකි. නර්තන ශිල්පිනියකි. නිරූපිකාවකි. Garam Masala, Black & White වැනි සිනමා නිර්මාණවලින් ඇය රසික ආදරය දිනාගෙන සිටී. 

පසුගිය දා නිකිතාට, අනපේක්ෂි, තරමක අපහසුතාවයට පත්වන්නට සිදු වූ සිදුවීමකට මුහුණ දෙන්න සිදු විය. ඒ ඇය ප්‍රසිද්ධ උත්සවයක රතු පලස මතදී, ඇගේ රසිකාවික ඇයට ළං වීමත් සමගය. තම ආදරණීය නිළිය නිකිතා දුටු එම රසිකාවියක් එකපාරටම ඇය ළඟට ඇවිත් කතාබහ කරන්න පටන් ගත්තාය. 

ඉන්පසු ඇය නිකිතාගේ කම්මුලක් සිප ගත්තාය. ඒත් ඇය එතැනින් නරත වූයේ නැත. ඇය නිකිතා පුදුමයට පත් කරමින් ඇගේ තොල් සිපගන්න වූවාය. රසිකාවියගේ මේ නොසිතූ හැසිරීමෙන් නිකිතා කලබල වූවාය. 

නිකිතා එම රසිකාවියගෙන් මිදෙන්න උත්සාහ ගත් නමුත් රසිකාවිය නිකිතා මුදා හැරියේ හාදුව දී අවසන් කරමිණි. මේ සියල්ල ඇතුළත් වීඩියෝ දසුන් එක රැයින් සමාජ මාධ්‍ය ඔස්සේ ජනප්‍රිය විය. 
බොහෝ දෙනකු නිකිතා විවේචනය කරමින් ඇයට දොස් නගන්න විය. ඒ නිකිතා, ඇගේ රසිකාවික් සිපගත් බවත්, ඇය සමලිංගික නිළියක් බව ප්‍රසිද්ධියේ පෙන්වූ බවත් කියමිණි. 

 එම සිද්ධියට අදාළ වීඩියෝ දසුන් වයිරල් වීමත් සමග නිකිතාගේ ආදරණීය රසිකයන් ඇය වෙනුවෙන් පෙනී සිටිමින් අදහස් කරන්න වූයේ එව නිකිතා දැන සිටි දෙයක් නොවන බවත්, ඇය අපහසුවට පත්වුණු බවත්ය. 

වීඩියෝ දසුන් නරඹද්දී ඒ බව පැහැදිලි වන බව ද නිකිතාගේ ආදරණීය රසිකයන් පෙන්වා දී ඇත. මේ සම්බන්ධයෙන් පසුව නිකිතා සමාජ මාධ්‍ය ඔස්සේ සටහනක් තැබුවේ ඇය වෙනුවෙන් පෙනී සිටි ඇගේ රසිකයන්ට ස්තුති කරමිනි. 

‘ඔයාලා හැමෝම ලබා දුන් ආදරයට සහ සහයෝගයට ගොඩක් ස්තූතියි. මා  එය ගොඩක් අගය කරනවා. මා නිවැරදි බවත්, මා කිසිම වැරැද්දක් කර නැති බවත් ඔයාලා දන්නවා. මට හංගන්න දෙයක් නැහැ, මා සෑම විටම සත්‍යය වෙනුවෙන් පෙනී සිටිනවා’ යැයි නිකිතා වැඩි දුරටත් පැහැදිලි කර තිබේ. 

NDTV ඇසුරිනි
තව කියවන්න
at
Tags

Jul 31, 2026

නිතිෂ් තිවාරිගේ රාමායණ එනවා

July 31, 2026
සිනමාලෝලීන් මහත් උනන්දුවෙන් මගබලා සිටි, නිතිෂ් තිවාරිගේ දැවැන්ත සිනමා නිර්මාණය වන ‘රාමායණ’ චිත්‍රපටයේ නිල පූර්ව ප්‍රචාරක පටය මේ වනවිට නිකුත් වී අවසන්ය. රාම රාවණා කතාව පදනම් කරගනිමින් නිර්මාණය වන මෙම දැවැන්ත සිනමා පටයේ ප්‍රධාන චරිත සඳහා රන්බීර් කපූර්, සායි පල්ලවී, යෂ්, සනී ඩියෝල්, රකුල් ප්‍රීත්, විවේක් ඕබරෝයි, සෞරභ් සච්දේවා, ලාරා දත්තා සහ රවි ඩුබේ යන ජනප්‍රිය රංගන ශිල්පීන් රැසක් දායක වෙති. 

රාමගේ චරිතයට පණ දෙන්නේ බොලිවුඩ් සිනමාවේ ආදරණීය නළු රන්බීර් කපූර්ය. සීතා ලෙස දෙමළ සහ තෙලිගු සිනමාවේ ජනප්‍රිය නිළි සායි පල්ලවී මෙන්ම ත්‍රෛලෝකයේ පාලකයා රාවණ ලෙස කණ්ණඩ සිනමාවේ සුපිරි දැවැන්තයා යෂ් ප්‍රධාන චරිතවලට දායක වෙති. 

 ඊට අමතරව, ප්‍රවීණ බොලිවුඩ් නළු සනී ඩියෝල් හනුමා ලෙසත්, රවී ඩුබේ රාම්ගේ සොහොයුරු ලක්ෂ්මන ලෙසත් රාම් සහ ලක්ෂණගේ පියා දශරාත් ලෙස අරුන් ගෝවිල් ද, මන්දෝදරී ලෙස කාජල් අගර්වාල් ද ලාරා දත්තා කෛකෙයි රජ බිසව ලෙසත් රංගනයෙන් දායක වෙති. 
මිනිත්තු හතරක පූර්ව ප්‍රචාරක පටය ආරම්භ වන්නේ රාවණගේ චරිතයට පණ දෙන සුපිරි කණ්ණඩ නළු යෂ්, සිය ආධිපත්‍ය පෙන්වන ආකාරයෙනි. ඉන් අනතුරුව, විෂ්ණු දෙවියන්, රාම ලෙසින් පෙනී සිටින ආකාරය දකින්න ලැබෙයි. රාමගේ චරිතයට පණ දෙන රන්බීර් කපූර් ඔහුගේ පියා වන දශරථ රජු විසින් ජනතාවට හඳුන්වා දීම සිදුවන ආකාරය ද පූර්ව ප්‍රචාරක පටයේ ඇත. එහිදී මිනිස් සංහතිය ආරක්ෂා කිරීම වෙනුවෙන් තම ජීවිතය වුව ද කැප කිරීමට සූදානම් බවට රාම ප්‍රතිඥා දෙයි. 

රාම සහ සීතාගේ විවාහ මංගල්‍යයේ සිට ඔවුන්ගේ වසර 14 ක වනවාසය ආරම්භ වීම දක්වා වූ වීර කාව්‍යයේ ප්‍රධාන සිදුවීම් රැසක් මෙම පූර්ව ප්‍රචාරක පටය ඔස්සේ දැකගත හැකිය. රාවණාගේ සොහොයුරිය වන සූර්පනඛා ලෙස ජනප්‍රිය තෙලිගු නිළි රකුල් ප්‍රීත් රංගනයෙන් එක් වෙයි. රාම රාවණා ගැටුම ආරම්භ වන්නේ සහ රාවණ සිය පළි ගැනීම සිදු කරන්නේ, රාමගේ සොහොයුරු ලක්ෂ්මන, සූර්පනඛාගේ නාසය කපා දැමීමෙනි. 

එය මෙම චිත්‍රපටයේ ද කතා තේමාවට අදාළ වෙයි. ‘රාවණා ත්‍රෛලෝකයේම පාලකයා නම්, ඔහුගේ මරණයට ද ලෝක ත්‍රයම සාක්ෂි දරනු ඇත’ යැයි පවසමින් රාම පවසන ආකාරය ද පූර්ව ප්‍රචාරක පටයේ ඇත. 

නමිත් මල්හෝත්‍රාගේ Prime Focus Studios, DNEG සහ යෂ්ගේ Monster Mind Creations යන ආයතන එකමුතුවෙන් නිෂ්පාදනය වන ‘රාමායණ’ චිත්‍රපට ද්විත්වයේ, පළමු කොටස මෙම 2026 දීපවාලී උත්සව සමයේදී ලොව පුරා සිනමාහල්වල තිරගත වීමට නියමිත අතර, දෙවන කොටස 2027 වසරේදී තිරගත කිරීමට සැලසුම් කර ඇත.
තව කියවන්න
at
Tags

Jul 12, 2026

මම අහිංසක නැහැ

July 12, 2026

නව පරපුරේ දක්ෂ රංගන ශිල්පිනියක් වන ඇය පුංචි තිරයට අහිංසකාවියක්. ඇය ආදරණීය නිර්මාණ කීපයක කැපී පෙනෙන චරිතයක් වී අවසන්. ඇය, මාස්ටර් සර් නාට්‍යයේ අසිනිගේ චරිතයට පණ දුන්, සවිනි යකුපිටියයි.

කැමරාව ඉස්සරහට මුලින්ම ආපු අතීතය මතක් කරමුද?

මං පටන් ගත්තේ වෙළෙඳ දැන්වීම් තමයි. ඒවා කරගෙන යන අතරතුර තමයි ටෙලිනාට්‍යවලට යොමු වුණේ.


ෆීල්ඩ් එකේ රැඳී ඉන්න යම් හැදෑරීමක් ඕනෑමද?
අනිවාර්යෙන්ම. මම පිවිසුණෙත් යම් හැදෑරීමක් ඇතුව. මේ දවස්වල කාර්යබහුල වුණත් මම චිත්‍රපට නරඹමින් රංගනය ගැන අලු‍ත් දේවල් ඉගෙන ගන්න උත්සාහ කරනවා.

ලැබෙන ඕනෑම නිර්මාණයක් බාරගන්නවද?

නැහැ. නිර්මාණයක් භාරගන්න කලින් මම බලන දේවල් ටිකක් තියෙනවා. මට කරන්න පුළු‍වන් පරාසයක එය තියෙනවද කියලා බලනවා.

සැබෑ ජීවිතයේ මොන වගේද?

හුඟක් අය මගේ රූපෙ දිහා බලලා කියන දෙයක් තමයි මම අහිංසකයි කියලා. මම අහිංසක නැහැ. සැබෑ ජීවිතයේදි මම කේනති යන නපුරු කෙනෙක්. 

ලස්සන පවත්වාගෙන යන්නේ කොහොමද?

ලස්සන පවත්වාගෙන යන්න කරන ප්‍රධානම දේ තමයි ජිම් ගිහින් ව්‍යායාම කරන එක. ලෙඩවෙලා හිටියත් ජිම් යන එක නම් මම නවත්තන්නෙ නැහැ. ඊට අමතරව කෑම පාලනයෙනුත් මම මගේ ලස්සන පවත්වගෙන යනවා. 

පෙම්වතියක් වීම මොන වගේද?

ගෑනු ළමයෙක් වුණාම ආදරය, විවාහය කියන දේවල්වලට කලින් තමන්ගෙ ජීවිතය සාර්ථකව ගොඩනගා ගැනීමට අවශ්‍ය ඉලක්ක සපුරගෙන ඉන්න ඕන කියලා. එහෙම නැතිව ආදරයක් පටන් ගත්තොත් වෘත්තීය කටයුතුවලට බාධාවෙන එකයි වෙන්නෙ. මම ඒ අත්දැකීමට මුහුණ දීලා තියනවා. 


ඡායාරූප - මුහුණු පොතින්
තව කියවන්න
at
Tags

Jun 27, 2026

සූරියා - මමිතා සුසංයෝගය

June 27, 2026
සූරියා සහ මමිතා බයිජු ප්‍රධාන චරිත නිරූපණය කරන ‘Vishwanath and Sons’ චිත්‍රපටයේ ගීත මේ වනවිට අන්තර්ජාල හරියටම කියනවා නම් සමාජ මාධ්‍ය කැලඹීමට සමත් වී අවසන්ය. අගෝස්තු 14 වැනිදා තිරගත වීමට නියමිත ‘Vishwanath and Sons’ චිත්‍රපටයප්‍රකට සිනමාකරු වෙන්කි ඇට්ලූරිගේ අධ්‍යක්ෂණයකි. 

ජී. වී. ප්‍රකාශ් කුමාර්ගේ මියුරු සංගීතයෙන් හැඩවුණු මෙම ‘Pattampoochi’ ගීතය, චිත්‍රපටයේ එන සුන්දර මෙන්ම සජීවී ආදර ජවනිකාවක් සිහිපත් කරයි. වයස් පරතරය නොතකා සූරියාගේ චරිතය කෙරෙහි මමිතාගේ චරිතය තුළ ඇති වන ආදර හැඟීම් මෙම ගීතයෙන් මනාව නිරූපණය වෙයි. 

දැඩි ගතිපැවතුම් ඇති පිරිමියකු සහ එඩිතර තරුණියක අතර ඇති වන ආකර්ෂණය ගීතය පුරා ඉතා රසවත්ව ගලා යන ආකාරය දකින්න ලැබේ. මෙම ගීතය දමිළ බසින් ‘Pattampoochi’ ලෙසත්, තෙළිඟු බසින් ‘Neno Butterfly’ ලෙසත් නිකුත් කර ඇත. 
දමිළ පද රචනය අරුන්රාජා කාමරාජ් විසින්ද, තෙළිඟු පද රචනය රාමජෝගයියා ශාස්ත්‍රි විසින්ද සිදු කර ඇති අතර, සංවේදී හඬින් යුත් සුභලාශිනී මෙම අනුවාද ද්විත්වයටම ගායනයෙන් දායක වී තිබේ. 

චිත්‍රපටයේ සූරියා සහ මමිතාට අමතරව රාධිකා සරත්කුමාර් සහ රවීනා තන්ඩන් වැනි ප්‍රවීණ රංගන ශිල්පිනියන් ද ප්‍රධාන චරිතවලට පණ පොවති. සූරියාගේ අවසන් චිත්‍රපටය වූයේ ආර්. ජේ. බාලාජි අධ්‍යක්ෂණය කළ ‘Karuppu’ ය. 

ජිතු මාධවන් අධ්‍යක්ෂණය කරන ‘Suriya47’ චිත්‍රපටයේ වැඩකටයුතුවලට ද ඔහු දායක වෙමින් සිටී. නස්‍රියා නසීම්, ෆහාඩ් ෆාසිල් සහ නස්ලන් කේ. ගෆූර් ද එහි සෙසු චරිත රඟ දක්වති. දකුණු ඉන්දීය සිනමාවේ වත්මන් තාරුණ්‍යයේ දැඩි ආකර්ෂණය දිනාගත් නිළියක ලෙස මමිතා බයිජු අතිශය ජනප්‍රිය වී සිටී. 

මලයාලම් සිනමාවෙන් රංගන ක්ෂේත්‍රයට පිවිසි ඇය, ඉතා කෙටි කලකින් තමිල්නාඩු මෙන්ම සමස්ත ඉන්දීය ප්‍රේක්ෂක හදවත් දිනා ගැනීමට සමත් වූවාය. 2017 දී ‘Sarvopari Palakkaran’ චිත්‍රපටයෙන් සිනමාවට පිවිසි මමිතා, ‘Operation Java’ (2021), ‘Kho-Kho’ (2021) සහ ‘Super Sharanya’ (2022) වැනි මලයාලම් චිත්‍රපට හරහා තම රංගන කුසලතාවය මනාව ඔප්පු කළාය. 

ඇගේ සිනමා ජීවිතයේ හැරවුම් ලක්ෂ්‍යය වූයේ 2024 වසරේ තිරගත වූ ‘Premalu’ චිත්‍රපටයයි. එහි ඇය නිරූපණය කළ ‘රීනු’ ගේ චරිතය දකුණු ඉන්දියාව පුරා අතිශය ජනප්‍රිය වූ අතර, ඇය නව පරපුරේ ‘නැෂනල් ක්‍රෂ්’ බවට පත් කිරීමට එය සමත් විය. ‘Premalu’ චිත්‍රපටයේ සාර්ථකත්වයෙන් පසු ඇයට දමිළ සහ තෙළිඟු සිනමාවෙන් විශාල දොරටු විවර විය. 
සූරියා වැනි සිනමාවේ දැවැන්තයකු සමඟ ‘Vishwanath and Sons’ හි ප්‍රධාන නිළිය ලෙස රංගනයෙන් දායක වීමට ලැබීම ඇගේ සිනමා ගමනේ තවත් සුවිශේෂී කඩඉමක් බව අමුතුවෙන් කිවයුතු නොවෙයි. 

ස්වභාවික රංගන විලාසය මෙන්ම මනස්කාන්ත සිනහව නිසාම ප්‍රේක්ෂක ආදරය දිනූ මමිතා, සූරියා සමඟ රංගනයෙන් එක්වන මෙම නවතම සිනමාපටය ඇගේ සිනමා දිවියේ තවත් සාර්ථක සන්ධිස්ථානයක් වනු නිසැකය.
තව කියවන්න
at
Tags

Jun 24, 2026

තමන්නාගේ දැක්ම

June 24, 2026
අවුරුදු 15 දී ‘Chand Sa Roshan Chehra’ (2005) චිත්‍රපටයෙන් සිනමාවට පා තැබූ තමන්නා භාතියා, අද ඉන්දියානු සිනමාවේ නොමැකෙන සලකුණක් බව අමුතුවෙන් කිවයුතු නොවෙයි. එම වසරේදීම ඇගේ පළමු තෙළිඟු චිත්‍රපටය වූ ‘Sree’ ද තිරගත විය. පසුගිය කාල වකවානුව පුරා ඇය ජනප්‍රිය වූයේ රංගනයෙන් පමණක් නොවෙයි. ‘Achacho’, ‘Aaj Ki Raat’, ‘Gafoor’ සහ ‘Kaavaala’ වැනි චිත්‍රපට ගීත හරහා ද ඇය අතිශය ජනප්‍රිය වී සිටී.
තමන්නා යනු රිදී තිරයට පමණක් සීමා වූ චරිතයක් නොවන බව සනාථ කරමින් ඇය මේ වන විට සාර්ථක ව්‍යවසායිකාවක ලෙසද පෙරමුණට පැමිණ ඇත. 2026 දී ඇය එදිනෙදා භාවිත කළ හැකි සුඛෝපභෝගී ආභරණ සන්නාමයක් වන 'Tamannaah Fine Jewellery' නිල වශයෙන් වෙළඳපොළට හඳුන්වා දුන්නාය. ‘Forbes’ සඟරාව සමඟ පැවැත්වූ සම්මුඛ සාකච්ඡාවකදී, ඇය ධනය උපයන්නකු ලෙස තමන් සතු සුවිශේෂී ව්‍යාපාරික දර්ශනය සහ දැක්ම පිළිබඳව අදහස් දක්වා තිබුණි. 
ධනය රැස් කිරීම සම්බන්ධයෙන් තමන්නා සතු අදහස සාම්ප්‍රදායික රාමුවෙන් ඔබ්බට ගිය එකකි. 'මා තේරුම් ගත් එකම දෙය නම්, අප මෙලොවින් සමුගන්නා විට මේ කිසිවක් අරන් යන්නේ නැහැ. රූපයෙන් වැඩක් නැහැ. ප්‍රසිද්ධියෙන් හෝ මුදල්වලින් වැඩක් නැහැ. මා රංගනයේ යෙදෙන්නේ ව්‍යාපාර කටයුතුවල යෙදෙන්නේ මම ඒවාට ආදරේ නිසයි. මා සන්නාම අනන්‍යතාවයක් ගොඩ නගන්න සැමවිටම මහන්සි වෙනවා.' යැයි තමන්නා කියයි. 
ඕනෑම මුදල් ප්‍රමාණයකට යම් සීමිත උපයෝගීතාවයක් පවතින බව ද තමන්නා පැහැදිලි කරයි. මුදල්වලින් පමණක් යම් සීමාවකින් එහාට කිසිවක් කළ නොහැකි බව විශ්වාස කරන තමන්නා, ව්‍යාපාරයක් පුළුල් කිරීම කෙරෙහි දැඩි අවධානයක් යොමු කරයි. ඇයට අනුව, ව්‍යාපාරයක් විශාල ලෙස ව්‍යාප්ත නොකිරීම එම සන්නාමයේ දැක්මට කරන අසාධාරණයකි. "මට ඕනෑ වැඩි පිරිසක් වෙත ළඟා වෙමින් සමාජීය බලපෑමක් ඇති කරන්නයි. එය මට සතුටක්. යම් දැක්මක් ඇතිව කටයුතු කරන විට ධනය ඉබේම ගලා එනවා. එමෙන්ම ව්‍යාපාරය ගොඩනගන අතරතුරදීම සමාජයට පෙරළා යමක් ලබා දීම මා අගය කරනවා" යැයි ඇය පවසයි. 
වාර්තා අනුව තමන්නා භාතියාගේ වර්තමාන ශුද්ධ වත්කම ඉන්දීය රුපියල් කෝටි 100 ඉක්මවයි. ඇය මුම්බායි නුවර අති සුඛෝපභෝගී, මුහුදට මුහුණලා පිහිටි නිවසක ජීවත් වෙයි.තෙළිඟු, දෙමළ සහ හින්දි යන සිනමාවේ එකසේ දස්කම් දැක්වූ තමන්නා මේ වන විට චිත්‍රපට 90 කට ආසන්න සංඛ්‍යාවකට දායක වී ඇත. ඇය වඩාත්ම ප්‍රසිද්ධියට පත් වූයේ ‘Baahubali’, ‘Oopiri’ , ‘Lust Stories 2’ සහ ‘Aranmanai 4’ වැනි චිත්‍රපට හරහාය. 
ඊට අමතරව ඇය ‘Jee Karda’, ‘Do You Wanna Partner’ සහ ‘Aakhiri Sach’ වැනි ජනප්‍රිය OTT (Over-the-top) නාලිකා ඔස්සේ විකාශය වූ කතාමාලාවන් හිද ප්‍රධාන භූමිකාවන් හොබවා ඇත. ඉන්දීය මාධ්‍ය වාර්තාවලට අනුව, ඇයගේ රංගන දායකත්වයට සහ ව්‍යාපාරවලට අමතරව, විවිධ වාණිජ වෙළඳ නාම ප්‍රවර්ධන කටයුතු (Brand Endorsements) ද ඇයගේ ස්ථාවර ආදායම් මාර්ගයන් ලෙස කැපී පොනෙයි. 

NDTV
තව කියවන්න
at
Tags

Classified_Ad