වටිනාම දේ ගවේෂණයට නාසා සැරසෙයි - මවිත : Mawitha.com : All the latest Sri Lanka and world breaking news and current affairs in Sinhala

Hot

Stay Safe

Katayam.com

Aug 8, 2021

වටිනාම දේ ගවේෂණයට නාසා සැරසෙයි

විශ්වයේ වටිනාම ග්‍රහ වස්තුව ගවේෂණයට නාසා සූදානම් ඇමෙරිකාවේ නාසා ආයතනය නව ගවේෂණ මෙහෙයුමකට සූදානම් වන අතර එම ගවේෂණයට තෝරා ගෙන ඇත්තේ සයිකේ 16 (Psyche 16) නමැති ග්‍රහාකයයි. 

මෙතෙක් හඳුනාගෙන ඇති වටිනාම ග්‍රහ වස්තුව ලෙස සැලකෙන්නේ මෙයයි. ඊට හේතුව 'සයිකේ 16' නිර්මාණය වී ඇත්තේ පාෂාණවලින් හෝ අයිස්වලින් හෝ නොව, මිල කළ නොහැකි වටිනා ලෝහ වර්ගවලින් යැයි පැවැසෙයි. 

මේ ග්‍රහකය කැබැලි කර, මනුෂ්‍ය වර්ගයා අතරේ බෙදා දුන්නොත්, සෑම කෙනකුම බිලියනපතියකු වනු ඇති බව ද ග්‍රහකය කොතරම් වටිනවාදැයි පෙන්වා දෙමින් නාසා ආයතනය පවසා තිබේ. 

'සයිකේ 16' ග්‍රහකය පළමුවෙන්ම සොයා ගැනීම සිදුවූයේ 1852 වසරේදීය. ග්‍රහකයේ පළල සැතපුම් 124 කි. මෙම ග්‍රහකය මූලික වශයෙන් අධ්‍යයනය කිරීමට නාසා ආයතනය ලබන 2022 වසරේ දී කුඩා රොබෝ ගවේෂණ යානයක් පිටත් කර හැරීමට නියමිතය. 

මේ යානය ග්‍රහකයට සමීප වනු ඇත්තේ සිවු වසරකට පසු 2026 වසරේදීය. ඇමෙරිකාවේ නාසා ආයතනය අයිස්වලින් හෝ පාෂාණවලින් නිර්මාණය නොවුණු මුළුමනින්ම වටිනා ලෝහවලින් පමණක් නිර්මාණය වුණු ග්‍රහකයක් ගවේෂණය කරන පළමු අවස්ථාව මෙය වනු ඇත. 

මෙම ග්‍රහකය ප්‍රධාන වශයෙන් නිර්මාණය වී ඇත්තේ ලෝකමය යකඩ සහ නිකල්වලින් යැයි හඳුනා ගෙන තිබේ.‍ 

'සයිකේ 16' ග්‍රහකය ඇත්තේ අඟහරු සහ බෘහස්පති අතරේය. බ්‍රිතාන්‍යයේ 'ඩේලිමේල්' වෙබ් අඩවිය පෙන්වා දෙන ආකාරයට මෙම ග්‍රහකයත්, අප සෞරග්‍රහ මණ්ඩලය නිර්මාණය වෙද්දී, සිදුවුණු හැල හැප්පීම් නිසා කැබැලි වී ඉතිරි වුණු කොටසකි. 

 නාසා ආයතනය විශ්වයේ ඇති ග්‍රහක නිරීක්ෂණය කරන්නේ ඒවායේ උෂ්ණත්වය මැන බැලිය හැකි ක්‍රමවේදයක් භාවිතයට ගනිමිනි. මෙම නව ක්‍රමවේදය නිර්මාණය කර ඇත්තේ ඇමෙරිකාවේ කැලිෆෝනියා හි 'කැල්ටෙක්' තාක්ෂණ ආයතනයේ පර්යේෂකයන්ය. 

 ග්‍රහකයක පෘෂ්ඨයේ ඇත්තේ පාෂාණ ද අයිස් තට්ටුවක් ද නැතිනම් ලෝහමය කොටස් ද යන්න නිවැරදිව හඳුනා ගැනීම ඒ අනුව සිදුවෙයි‍. 

සයිකේ 16 ග්‍රහකය අධ්‍යයනය කිරීම හරහා පෘථිවියේ ආරම්භය සම්බන්ධයෙන් පමණක් නොව, පෘථිවියේ ලෝහ සම්බන්ධයෙන් ද රහස් රැසක් අනාවරණය කර ගැනීමට නාසා ආයතනනය බලාපොරොත්තු වෙයි. 

''සයිකේ 16 අසාමාන්‍ය ග්‍රහකයක්. එහි සම්භවය කුමක්දැයි අපට නිවැරදිව පැහැදිලි කරන්න විදියක් නැහැ. මෙම ග්‍රහකය, අවාසනාවන්ත ලෙස හැලහැප්පීම් සහ පිපිරීම්වලට ලක්වුණු කුමක් හෝ ග්‍රහලොවකින් කැඩී වෙන්වුණු කැබැල්ලක්. මේ ග්‍රහකයේ මතුපිට සියයට 30 කට වඩා ඇත්තේ ලෝහ. පෘථිවියේ අප නොදන්නා අපට ආගන්තුක නව ලෝහ පවා එහි තිබෙන්න පුළුවන්' යැයි නාසා පර්යේෂකයෝ පැහැදිලි කරති. 

෴ උපුටා ගැනීම - Daily Mail

No comments:

Post a Comment

Stay Safe

Stay_Safe Free_Ad