ශ්රී ලංකා ගුවන් හමුදාවේ භාවිතය සඳහා ඩෝනියර්-228 සමුද්රීය නිරීක්ෂණ ගුවන් යානයක් ඉන්දියාව ලබා දී ඇත. ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක සාගල රත්නායක මහතාගේ ප්රධානත්වයෙන් කටුනායක පැවති උත්සවයකදී ගුවන් යානය බාර දීම සිදුවිය.
ඉන්දීය රජය විසින් ශ්රී ලංකාවට ලබාදී ඇති ඩෝනියර් 228 සමුද්රීය නිරීක්ෂණ ගුවන් යානය වාර්ෂික නඩත්තු සේවා කටයුතු සඳහා ඉන්දියාවට පිටත් කර හැරීම නිසා ඒ වෙනුවෙන් අනුයුක්ත කරනු ලැබූ ඩෝනියර් සමුද්රීය නිරීක්ෂණ ගුවන් යානය මෙලෙස ලංකාවට බාර දෙනු ලැබුණි.
ශ්රී ලංකා රජයේ ඉල්ලීමකට ප්රතිචාර දක්වමින් ඉන්දියානු නාවික හමුදාවට අයත් ඩෝනියර් 228 සමුද්රීය නිරීක්ෂණ ගුවන් යානය වසර දෙකක කාලයක් සඳහා 2022 අගෝස්තු 15 වන දින ශ්රී ලංකා ගුවන් හමුදාවට බාර දීම සිදුවුණු බව ද පැවැසෙයි.
සමුද්රීය නිරීක්ෂණ ගුවන් යානය වසරක කාලයක් සක්රීය සේවයේ යෙදෙමින් සුවිශේෂී සේවාවක් ඉටු කරනු ලැබූ අතර එම ගුවන් යානයේ වාර්ෂික අනිවාර්ය නඩත්තු සේවා කටයුතු සඳහා ඉන්දියාව වෙත යැවීමට කටයුතු කෙරිණි.
