කණ්ඩායම් තුනක සාමාජිකයන්ට නව කොරෝනා වයිරස ආසාදනය වීමත් සමඟ ඉන්දීය ප්‍රිමියර් ලීග් තරගාවලිය අත්හැර දැමීමට එහි සංවිධායකයන් තීරණය කර ඇත.
පසුගිය දින කිහිපයේදී ක්‍රීඩකයන් ද ඇතුළුව අයි.පී.එල්. හෙවත් ඉන්දීය ප්‍රිමියර් ලීග් තරගාවලියට තරග වදින කණ්ඩායම්වල සාමාජිකයන් කිහිපදෙනකුට නව කොරෝනා වයිරසය ආසාදනය වී ඇති බව තහවුරු වී තිබේ.
මේ හේතුවෙන් තරගාවලිය මෙලෙස අත්හැර දැමීමට එහි සංවිධායකයන් පියවර ගෙන ඇත.
සියලු කණ්ඩායම් සහ පාර්ශව සමඟ සාකච්ඡා කර මෙම තීරණය ගත් බව ඉන්දීය ප්‍රිමියර් ලීග් (අයි.පී.එල්)හි සභාපති බ්‍රිජේෂ් පටෙල් පැවැසීය.
රොයිටර්
