ශ්රීලංකන් ගුවන් සමාගම කෙන්යාවේ නයිරෝබි නුවර වෙත ගුවන් මෙහෙයුම් ආරම්භ කිරීමට කටයුතු යොදා තිබේ.
ශ්රීලංකන් ගුවන් සේවය සීෂෙල්ස් වෙත පියාසර කිරීමෙන් පසු නැගෙනහිර අප්රිකාවේ මෙහෙයුම් සිදුකරන දෙවැනි ගමනාන්තය ලෙස කෙන්යාව එක්වනු ඇත.
ඒ අනුව නැගෙනහිර අප්රිකාවේ විශාලතම හා කාර්යබහුලම ගුවන්තොටුපළ වන ජෝමෝ කෙන්යාටා ජාත්යන්තර ගුවන්තොටුපළ (NBO) සහ බණ්ඩාරනායක ජාත්යන්තර ගුවන්තොටුපොල (BIA) අතර පසුගිය 22 වැනි දින සිට මෙම ගුවන් ගමන් ආරම්භ කිරීමට සැලසුම් කර තිබුණි.
ශ්රීලංකන් ගුවන් සේවය සෑම බ්රහස්පතින්දා දිනකම නයිරෝබි වෙත සිය ගුවන් ගමන් ක්රියාත්මක කරන අතර ඒ සඳහා පිරිමැසුම් පන්තියේ ආසන 269 ක් සහ ව්යාපාරික පන්තියේ ආසන 28 ක් සහිත එයාර් බස් A330 වර්ගයේ ගුවන් යානා යොදවා ඇත.
යූඑල් 1715 ගුවන් යානය පැය 10:45 ට කොළඹින් පිටත් වී පැය 14:40 ට ජොමෝ කෙන්යාටා ජාත්යන්තර ගුවන්තොටුපොළට ගොඩබසිනු ඇති අතර පසුව යූ.එල්. 1716 නයිරෝබි සිට පැය 04:40 ට පිටත් වී පැය 13:55 ට නැවත කොළඹට ළඟාවීමට සැලසුම් කර තිබේ.
