![](https://blogger.googleusercontent.com/img/b/R29vZ2xl/AVvXsEjhQGmyWInNw9XUCG8kkAqSxavur0neEMg8MRAo3syZWRlW6SaTwqc24u35ixfHByWtyq-MKH8m-Fh2KZV2INhs7Ln-tVG-aeUUn4wposkXG1OhxZiYVAzWZ6mlMTFmIUKDCn5mpuMFW5qa/s16000/zika-virus-istokk-1007077-1625933258.jpg)
ඉන්දියාවේ කේරළ ප්රාන්තයේ 'සීකා' වයිරස උණ පැතිර යමින් පවතින බවත්, 'කොවිඩ් 19' වසංගතය මැද 'සීකා' වසංගතයක් නිර්මාණය විය හැකි බවත් ප්රාන්ත සෞඛ්ය බලධාරීහු බිය පළ කරති.
මේවනවිට කේරළයෙන් වාර්තා වී ඇති 'සීකා' රෝගීන් ගණන 14 ක් යැයි කේරළ සෞඛ්ය ඇමැති වීනා ජෝර්ජ් මාධ්ය හමුවේ පැහැදිලි කර ඇත.
'සීකා' රෝගීන් වාර්තා වීමට පටන්ගෙන ඇත්තේ ත්රිවන්තපුරම් දිස්ත්රික්කයෙනි.
'සීකා' යනු ඩෙංගු හා සමාන මදුරුවන්ගෙන් බෝ වන වයිරස රෝගයකි. ගැබිනි කාන්තාවන්ට 'සීකා' ආසාදනය වුවහොත් කුසේ සිටින දරුවන්ගේ මොළය නිසි ලෙස වර්ධනය නොවන බව වෛද්යවරු පෙන්වා දෙති.
කුඩා දරුවන්ට ඩෙංගුවලටත් වඩා 'සීකා' රෝගය මාරක වෙයි.
මෙම වයිරය පළමුවෙන් හඳුනා ගැනීම සිදුවූයේ උගන්ඩාවේ සීකා වනාන්තරයේ වඳුරන්ගෙනි. ඒ, 1947 දීය.
මෙය වෙනස් විදියේ වයිරසයක් බව නිල වශයෙන් තහවුරු කෙරුණේ 1952 දීය.
2017 සිට 2018 කාලයේ, ලතින් ඇමෙරිකාවට අයත් බ්රසීලයෙන් සීකා වසංගතයක් නිර්මාණය විය. ඉන්දියාවෙන් මීට පෙර 'සීකා' රෝගීන් වාර්තා වූයේ 2016 සිට 2017 වසරවලදීය. ඒ, ගුජරාටයේ අහ්මදාබාද් නුවර කේන්ද්රකොට ගනිමිනි.
NDTV