වෛද්ය විද්යාවේ අනාගතය වෙනස් කළ හැකි අතිශය විස්මයජනක සොයාගැනීමක් ලෙස DNA රොබෝවරුන් හැඳින්විය හැකිය. මේවා සාමාන්ය රොබෝවරුන් මෙන් ලෝහ හෝ විදුලි පරිපථවලින් නොව, ජීවයේ මූලික පදනම වන DNA අණුවලින්ම නිර්මාණය කර ඇති වැඩසටහන්ගත කළ හැකි අන්වීක්ෂීය යන්ත්ර වෙයි.
DNA ඔරිගාමි (DNA folding) නමැති සුවිශේෂී තාක්ෂණය ඔස්සේ මෙම අණු විවිධ හැඩතලවලට නැමීම සිදු කරමින්, නිර්මාණය කරන අතර, රොබෝ විද්යාවේ මූලධර්ම භාවිත කරමින් ඒවාට සිරුර තුළ ස්වාධීනව ක්රියා කිරීමේ හැකියාව ලබා දෙයි.
මෙම රොබෝවරුන්ගේ ප්රධානතම මෙහෙය වන්නේ මිනිස් සිරුරේ අභ්යන්තරයට ගොස් රෝගී සෛල හෝ වෛරස් හඳුනාගෙන ඒවාට එරෙහිව ක්රියා කිරීමයි. විශේෂයෙන්ම පිළිකා වැනි රෝගවලදී, නිරෝගී සෛලවලට හානි නොවන පරිදි අදාළ පිළිකා සෛලය වෙතම නිවැරදිව ඖෂධ ප්රවාහනය කිරීමටත්, රුධිරයේ ඇති වෛරස් ග්රහණය කර ගැනීමටත් මෙම රොබෝවරුන් සමත් වේ.
සිරුරේ සිදුවන රසායනික ප්රතික්රියා, ආලෝකය හෝ චුම්බක ක්ෂේත්ර වැනි බාහිර සංඥා මගින් මෙම රොබෝවරුන්ගේ චලනයන් ඉතා නිවැරදිව පාලනය කළ හැකි වීම විශේෂත්වයකි.
මෙම තාක්ෂණය තවමත් පවතින්නේ මුල්කාලීන පර්යේෂණ මට්ටමේය.
චීනයේ හර්බින් තාක්ෂණ ආයතනයේ (Harbin Institute of Technology) පර්යේෂකයන් පෙන්වා දෙන පරිදි, මෙම රොබෝවරුන්ගේ පාලනය සහ සංකීර්ණත්වය සම්බන්ධයෙන් තවමත් අභියෝග රැසක් පවතී. මෙම රොබෝවරුන් ප්රායෝගිකව වෛද්ය ක්ෂේත්රයට හඳුන්වා දීමට නම් ඒවායේ සැලසුම්කරණය, පරිගණක අනුකරණය (Simulation) සහ නිෂ්පාදන ක්රියාවලිය තවදුරටත් දියුණු විය යුතුව ඇත.
Live Science ඇසුරිනි
