ඒ අනුව, විද්යාඥයන් පවසන්නේ, කුණු බිත්තර ගඳ මෙම ග්රහලෝකයෙන් විහිදෙනු ඇති බවය.
දැඩි දුර්ගන්ධයට අමතරව, මෙම ග්රහලෝකය සැබෑ අපායක් බඳු අතිශය උණුසුම් ලෝකයකි. රතු වාමන තාරකාවකට ඉතා සමීපව පිහිටීම නිසා මෙහි මතුපිට උෂ්ණත්වය සෙල්සියස් අංශක 1,500 ඉක්මවන අතර මුළු ග්රහලෝකයම දියවී ගිය ලාවා හෙවත් මැග්මා සාගරයකින් වැසී පවතී.
මෙහි ඇති විශේෂත්වය වන්නේ පෘථිවිය මෙන් නොව, මෙයට ස්ථිර පෘෂ්ඨයක් හෝ ස්ථර නොමැති වීමය. එය මුළුමනින්ම තනි ගැඹුරු, මෘදු මැග්මා තට්ටුවකින් සමන්විත යැයි අනුමාන කෙරේ.
L 98-59 d ග්රහලෝකය සොයාගැනීම විද්යාඥයන්ට වැදගත් වන්නේ සෞරග්රහ මණ්ඩලයෙන් පරිබාහිරව හමු වූ සම්පූර්ණයෙන්ම වෙනස් වර්ගයක ග්රහලෝකයක් නිසාවෙනි.
එහි අසාමාන්ය අඩු ඝනත්වය සහ අභ්යන්තරයේ තැන්පත් වී ඇති විශාල සල්ෆර් ප්රමාණය, විශ්වයේ පවතින ග්රහලෝකවල විවිධත්වය පිළිබඳ අලුත් තොරතුරු රැසක් අනාවරණය කරයි. ඔබ එහි ගියහොත් තත්පර කිහිපයකින් මිය යන බැවින්, එහි ඇති අප්රසන්න ගන්ධය විඳීමට නම් කිසිවකුට අවස්ථාවක් නොලැබෙනු ඇත.
ලුසිත ජයමාන්න
ස්තුතිය - NASA ආයතනයට
