එක්සත් ජාතීන්ගේ නියෝජිතයා නෙරපයි - මවිත : Mawitha.com : All the latest Sri Lanka and world breaking news and current affairs in Sinhala

Hot

Stay Safe

Mawitha Ads

Mar 1, 2021

එක්සත් ජාතීන්ගේ නියෝජිතයා නෙරපයි

රටට ද්‍රෝහි වූ බවට චෝදනා කරමින් මියන්මාර හමුදා ජුන්ටාව එරට සිටින එක්සත් ජාතීන්ගේ නියෝජිත කියව් මෝ තුං එම ධුරයෙන් නෙරපීමට පියවර ගෙන ඇත. 

ප්‍රජාතන්ත්‍රවාදී ලෙස තේරී පත්වූ අවුන් සාන් සූකී නෙරපමින් මියන්මාර හමුදාව එරට රට බලය අත්පත් කරගත් අතර එය වෙනස් කිරීමට ‘‘ඕනෑම දෙයක් කරන්නැයි’’ ලොව රටවල් උනන්දු කිරීමට නියෝජිත කියව් මෝ තුං ඉකුත් දිනෙක පියවර ගත්තේ ය. 

ඔහු එම ධුරයෙන් නෙරපීමට ප්‍රධාන හේතුවක් වී තිබෙන්නේ එයයි. රටට ද්‍රෝහී වූ නිසා හමුදා පාලනය හමුදා පාලනය කියව් මෝ තුං එම ධුරයෙන් නෙරපන බව මියන්මාරයේ රාජ්‍ය රූපවාහිනි නාලිකාව වාර්තා කළේය. 

අවසන් මොහොත තෙක් සටන් වදින ඉන් අනතුරුව රොයිටර්ස් පුවත් සේවයට අදහස් දක්වමින් කියව් මෝ තුං  පැවැසීය. මියන්මාර හමුදාව පසුගිය පෙබරවාරි 1 වැනිදා එරට බලය අත්පත් කරගත්තේ ය. 

ඉකුත් වසරේ පැවැති මහ මැතිවරණයෙන් විශිෂ්ට ජයක් ලැබීමට නොබෙල් සාම ත්‍යාගලාභී අවුන් සාන් සූකීගේ නායකත්වයෙන් යුතු ප්‍රජාතන්ත්‍රවාදය සඳහා වූ ජාතික ලීගය සමත් විය. මැතිවරණ ජයග්‍රහණයෙන් පසු මියන්මාර පාර්ලිමේන්තුව පාර්ලිමේන්තුව පළමු වරට රැස්වීමට නියමිතව තිබුණේ පෙබරවාරි 1 වැනිදා ය. 

පාර්ලිමේන්තුව රැස්වීමට පැය කිහිපයක් තිබියදී අවුන් සාන් සූකී ඇතුළු දේශපාලන නායකයන් අත්අඩංගුවට ගනිමින් මියන්මාර හමුදා රෙජීමය රටේ බලය අත්පත් කරගත්තේ ය. 

කෙසේ නමුත් එක්සත් ජාතීන්ගේ සංවිධානයේ මියන්මාරයේ හමුදා ජුන්ටාව එරට නව පාලනය ලෙස පිළිනොගන්නා බව එම සංවිධානයේ ප්‍රකාශකයෙක් පැවැසීය. එසේම මේ සම්බන්ධයෙන් කිසිදු නිල දැනුම් දීමක් කර එක්සත් ජාතීන්ගේ සංවිධානයට කර නැතැයි ද එම ප්‍රකාශයා පැහැදිලි කළේය.එබැවින් කියව් මෝ තුං තවදුරටත් එක්සත් ජාතීන්ගේ නියෝජිතවරයා ලෙස කටයුතු කරන බව ද හෙතෙම කීය. 

‘‘මියන්මාරයේ සිටින එක්සත් ජාතීන්ගේ නියෝජිතයා සම්බන්ධයෙන් අපට කිසිදු දැනුම් දීමක් කර නැහැ’’ යැයි මේ සම්බන්ධයෙන් අදහස් දක්වමින් එක්සත් ජාතීන්ගේ ප්‍රකාශක ස්ටෙෆාන් ඩුජාරික් පැවැසීය. 

මේ අතර කිසිදු සාමාජික රටක් මියන්මාරයේ හමුදා ජුන්ටාව පිළිගැනීම හෝ නිත්‍යනුකූල කිරීම හෝ නොකළ යුතු යැයි ද එක්සත් ජාතීන්ගේ මහ ලේකම් ඇන්තනියෝ ගුටරෙස්ගේ මියන්මාරය වෙනුවෙන් පත් කර සිටින ක්‍රිස්ටිනා ෂාර්නා බෝගේනා පසුගිය සතියේ දී ප්‍රකාශ කළාය. 

රොයිටර්

No comments:

Post a Comment

Stay Safe

Stay_Safe