තමිල්නාඩු ජය ස්ටාලින්ට හිමිවන ලකුණු - මවිත : Mawitha.com : All the latest Sri Lanka and world breaking news and current affairs in Sinhala

Hot

Stay Safe

Katayam.com

Apr 30, 2021

තමිල්නාඩු ජය ස්ටාලින්ට හිමිවන ලකුණු

තමිල්නාඩු ප්‍රාන්ත මැතිවරණයේ ජය, හිටපු මහ ඇමැතිවරයකු වන කරුණානිධිගේ පුතු එම්.කේ. ස්ටාලින්ගේ නායකත්වය යටතේ පවතින 'ඩී.එම්.කේ' පක්ෂයට හිමිවනු ඇතැයි ප්‍රාන්ත පුවත් සේවා අනාවැකි පළ කර ඇත. 

තමිල්නාඩු ප්‍රාන්තසභා මැතිවරණය පැවැත්වූයේ ආසන 234 ක් වෙනුවෙනි. තමිල්නාඩු ප්‍රාන්ත පුවත් සේවා අනාවැකි පළ කරන අන්දමට මේ වනවිට ප්‍රධාන විපක්ෂ දේශපාලන කණ්ඩායම ලෙස සැලකෙන 'ඩී.එම්.කේ' පක්ෂයට ආසන 170 ක් දිනා ගැනීමට හැකිවනු ඇති බවත්, බලයේ සිටින 'ඒ.අයි.ඒ.ඩී.එම්.කේ' පක්ෂයට දිනා ගැනීමට හැකිවනු ඇත්තේ ආසන 160 ක් පමණක් බවත් පැවැසෙයි. 

පසුගිය වසර ගණනාව තිස්සේ තමිල්නාඩු දේශපාලනය දෝලනය වූයේ එම්.කරුණානිධි සහ ජේ. ජයලලිතා අතරේය. ඔවුන් දෙදෙනාගේ අභාවයෙන් පසු පැවැත්වෙන පළමු ප්‍රාන්ත මැතිවරණය මෙය ලෙස සැලකෙයි. 

මෙවර මැතිවරණයේ දී ඉන්දීය අග්‍රාමාත්‍ය මෝදිගේ භාරතීය ජනතා පක්ෂයේ සහාය හිමිවූයේ 'ඒ.අයි.ඒ.ඩී.එම්.කේ' පක්ෂයටය. 

තමිල්නාඩුවේ පමණක් නොව, ඉන්දියාවේ ප්‍රාන්ත කීපයක මැතිවරණ පසුගිය කාලයේ පැවැත්වුණු අතර ඒවා අවසන් වූයේ ඊයේ (29) ය. ඉන්දියාවේ කොරෝනා ව්‍යාප්තිය ඉහළ යෑමට එක් හේතුවක් වන්නේ ද මෙම මැතිවරණය. 

තමිල්නාඩු ප්‍රාන්තයට අමතරව කේරළ, බටහිර බෙංගාල, ඇසෑමය සහ පොණ්ඩිචෙරි යන ප්‍රාන්තවල ද අදියර කීපයක් යටතේ මැතිවරණ පැවැත්විණි. අවසානයට පැවැත්වූයේ බටහිර බෙංගාල ප්‍රාන්ත මැතිවරණයයි. 

බටහිර බෙංගාල ප්‍රාන්ත මැතිවරණය අදියර 8 ක් යටතේ පැවැත්විණි. 

බෙංගාල මැතිවරණය ආරම්භ වූයේ පසුගිය මාර්තු 27 වැනිදාය. මැතිවරණ සියල්ලේ ඡන්ද ගණන් කිරීම සහ ප්‍රතිඵල නිකුත් කිරීම ලබන මැයි දෙවැනිදා සිදුවනු ඇතැයි ඉන්දීය මැතිවරණ කොමිසම පවසයි.

NDTV

No comments:

Post a Comment

Stay Safe

Stay_Safe Free_Ad