![](https://blogger.googleusercontent.com/img/b/R29vZ2xl/AVvXsEhf6iaeitZ0Y_van02KZPYUEDELdYB0xFMBArztQ1SHR86anxswiUF0Ztbj4qPUFCSTvEVZT2dfAk15hUG-TF_EpmdtAM0ihE0uWbZI-MyK4l0knS21WVwg8N2QxDFDjkbZsYNOfluI6xzJ/s16000/71113132_1313676885478241_2021.jpg)
![](https://blogger.googleusercontent.com/img/b/R29vZ2xl/AVvXsEj0bugTG658lUDekyIgdWswkPTj6-Zwmkh13fRWCo-DNHCBcRbtd0R6dEO7rnBeczuxZAVSrynl7rk_9kBlYHv8ZAEv1HNzrHOZTy-g6mM5SS1sb9YOEpMjIGusC3-snGxKPL37_lEDd9Bq/s16000/122130674_1673999816112611_4596524395411521327_n.jpg)
ආදරය සහ කැස්ස කියන්නෙ හංගන්න බැරි දෙයක්ලුනෙ. හැබැයි කලා ක්ෂේත්රයේ සමහර අය ආදරය ගැන ලෙහෙසියෙන් කියන්නෙ නැහැ. ඇහුවොත් කියන්නෙ තවම පෙම්වතෙක් හෝ පෙම්වතියක් නැහැ කියලයි. නමුත් නීල පබලු නාට්යයේ තරුෂගේ චරිතය නිසා බොහෝ දෙනා ආදරය කරන ටනාෂා නම් එයාගේ සැබෑ ආදරය ගැන කියන්න මැලිවුණේ නැහැ. මේ දිනවල විහාරා ලෙස ආලින්දයට එන මොහොතක ටනාෂා එයාගේ සැබෑ ආදරය ගැන කිව්වෙ මේ විදියටයි.
ටනාෂා කොහොමද ජීවිතේ?
හොඳින් ඉන්නවා. පුරුදු විදිහටම ෂූටිං කරගෙන යනවා.
එතකොට මේ දිනවල ෂූටිං යන්න පුළුවන්ද?
සෞඛ්ය නීති රීතිවලට අදාළව රූගත කිරීම් පැවැත්වෙන්නෙ. ඒ නිසා ටෙලි ක්ෂේත්රයේ වැඩ ඒ විදියටම වෙනවා.
ටනාෂා රඟපාන චරිත මොනවද?
නීලපබළු කුරුළු කියන චරිතය. දැන් තුරුළුව විහාරා කියලා කියන්නෙ. ඉදිරියේදී ඇය නැවත කුරුළු වේවි.
![](https://blogger.googleusercontent.com/img/b/R29vZ2xl/AVvXsEgKlHsXwfUFXdXX23nf5yt5AWseYqLv17hyphenhyphenbVocojd0_SEgDbMFeliG-HxTj8dPdQJZtbL2cqCRXLeT6rTJ1Bz2Cko9rLkXdS9H9HE1dbjEmAszad6zdXM8QDEQ6biBaYPSf_nlt4in12GD/s16000/84036291_1435429519969643_5076176479402852352_n.jpg)
![](https://blogger.googleusercontent.com/img/b/R29vZ2xl/AVvXsEhL-3tMpz0Y030cGG7smBfQRPDHtmV15v4WFxn4z7hfQIn-DqjbQ4wogcwOR1-3nhW8CJPVt5pppQEeVBrCLU_QvyKuVb5ByPkQnpySfk_Hc2ywFzwIRYCgUoA-eMNyDWVoSfUC0uiAxZDJ/s16000/132635272_1732818126897446_5518911943411120114_n.jpg)
![](https://blogger.googleusercontent.com/img/b/R29vZ2xl/AVvXsEh_9xjzVuZlQWNvbwMipIyteki339SDA0wbLVGxaOIxM-NX9Mv88mwp9i9piZ4NUhFBqP4shbu5iRs_XqwAzmvQlbt2mjScbKGaTbVyQ1_doPbFNz-U1S905xkDlRmNmObWqXHu3Bznk2HZ/s16000/133438809_1732818156897443_1599458795271253687_n.jpg)
නීල පබළු විතරද රඟපාන්නෙ?
මේ දිනවල තියෙන නිර්මාණ විතරයි කරන්න අවසර. ඒවා භාගෙට නතර කරන්න බැරි නිසා. මේ වසංගත තත්ත්වය හරි ගියාම තවත් අලුත් නාට්යයක චරිතයක් බාරගෙන තියෙන්නෙ.
විහාරාට අභිමන් හමුවේවි ද?
ඉක්මනට විහාරාට අභිමන් හමුවේවි.
සැබෑ ජීවිතේ ටනාෂාගෙ ප්රේමය ගැන කියමු
පෙම්වතෙක් ඉන්නවා. 2023 දී විතර විවාහ වෙන්න හිතාගෙන ඉන්නෙ.
ඒ පෙම්වතාගේ විස්තර
කලාවට සම්බන්ධ නැහැ. එයාගෙ නම අනුරාධ. ව්යාපාරිකයෙක් අපේ ප්රේමයට අවුරුදු 3 ක් විතර වෙනවා.
කොහොමද ප්රේමය එක්ක ගෙවී ගිය ඒ කාලය දැනුණෙ?
කාලය ගියා තේරුණේ නැහැ. එයා මගේ ළඟින්ම හිටියා. රූගත කරන්න යනකොට අම්මාට එන්න බැරි වුණාම එයා මගේ තනියට ආවා. අපේ නාට්ය කණ්ඩායම එක්කත් එකතුයි.
ඇයි අනුරාධට හිත ගියේ?
හරිම අහිංසකයි. හරි හොඳයි. හැමෝම ගැන හිතන මනුස්සකම තියෙන කෙනෙක්.
ගෙදර අය මේ ප්රේමයට මොනවද කිව්වෙ?
ගෙදර අය ගොඩාක් ආදරෙයි. ගෙදරින් නම් කියන්නෙ දැන්ම කසාද බඳින්න කියලයි. ඒත් මම තමයි කිව්වෙ තව අවුරුදු දෙකක් මෙහෙම ඉමු කියලා.
එයාගෙ ගෙදර අය මොනවද කියන්නෙ?
එයාගෙ ගෙදර අයත් අපට ආශිර්වාද කළා. අපේ ප්රේමයට දෙපාර්ශ්වයේම ආශිර්වාද ලැබිලා තියෙන්නෙ.
ගෙවී ගිය කාලයේදී එයා දුන්න තෑගි එහෙමත් ඇති.
අපොයි ඔව්. තෑගි ගොඩාක් දීලා තියෙනවා. මම ඒ ඔක්කෝටම කැමතියි.
අනුරාධගෙ වැඩියෙන්ම කැමැති ගුණාංගය?
මොන ප්රශ්නයක් තිබුණත් නිතරම හිනාවෙලා ඉන්න කෙනෙක්. අනවශ්ය දේ ඔළුවට ගන්නෙ නැහැ. හැමෝම එක්ක හරිම සුහදයි.
ටනාෂාගෙ හොඳම ප්රකාශය?
මාත් කා එක්කවත් ප්රශ්න ඇති කරගන්න කෙනෙක් නෙවෙයි. මගේ පාඩුවෙ ඉන්න කෙනෙක්.
විවාහය පවත්වාගෙන යන්න බිරිය මොන වගේ කැප කිරීමක් කළ යුතුය කියලද හිතෙන්නෙ?
විවාහයට පෙර දෙන්නට දෙන්නා හොඳට තේරුම් ගන්න ඕනෑ. මෙයා තමයි මම සුදුසුම කෙනා කියන දේ දැනෙන්නට ඕනෑ. එහෙම දැනෙනවා නම් විවාහයට යාම වඩා හොඳයි. බිරිඳක් ලෙස සැමියාට කීකරුව කටයුතු කිරීම වැදගත්. හැබැයි විවාහ වූ නිසාම මම සැමියාට බරක් වෙන්න කැමැති නැහැ. මගේ ශක්තියෙන් ගොඩ නැගෙන්න කැමතියි. එවිට විවාහය වඩා සාර්ථක වේවි.
බිරිඳ කියන චරිතය ගෙදරදි උයන එක වගේම රෙදි සේදීම ආදී ඒ සියල්ල කළ යුතුම ද?
ඒ සියල්ල කළ යුතුමයි කියනවාට වඩා ඊට එහා ගිය දෙයක් බිරිඳගෙන් ඉටුවිය යුතුයි. ගෙදර දොර වැඩ කිරීම හොඳයි. හැබැයි තමන්ටම කියලා පවරා ගන්නෙ නැතුව බොරු මහන්තත්ත කමක් නොගෙන කටයුතු කළොත් විවාහ ජීවිතය සුන්දරයි. මේ සියල්ලට වඩා සැමියාට ආදරය කිරීම ඔහුගෙ දුක සැප බෙදා ගැනීම සහ ප්රශ්නවලදී ඔහුට ඒවා විසඳා ගැනීමට උදාවු වීම හොඳ බිරිඳකගේ වගකීමක්.
ටනාෂාට ඉවුම් පිහුම් පුළුවන්ද?
ඔව්. පුළුවන්.
ටනාෂා ස්පෙෂල් මෙනු එක මොකක්ද?
ඕනෑ දෙයක් පුළුවනි. මම ගෙදරදී හඳන පොඩි පොඩි ව්යාංජනවලට හැමෝම කැමතියි. මම මොනදේ හැදුවත් රසයි කියනවා.
ටනාෂාගෙ තියෙන දුර්වලකම මොකක්ද?
සමහර වෙලාවට මහ මගදි අසරණ වෙලා ඉන්න මිනිස්සු වගේම පොඩි ළමයි දැක්කම මම ඕනෑවටත් වඩා සංවේදී වෙනවා. කොහොමටත් මම ඉක්මනට සංවේදී වන කෙනෙක්.
අද කොහොමද කුරුළුට ලැබෙන ප්රතිචාර
මුල ඉඳලාම නීල පබළු නාට්යයට හොඳ ප්රතිචාර ලැබුණෙ?
අද බොහෝ දෙනා කුරුළු වෙනුවට විහාරා කියන තරමට සමීප වෙලා. හරි සතුටුයි මිනිස්සු ඒ විදියට මේ නාට්යයට ආදරය කිරීම ගැන.
ටනාෂා ඉදිරි ජීවිතය මොන විදියටද සැලසුම් කරලා තියෙන්නෙ.
ලොකු ප්ලෑන් නැහැ. 2023 විවාහ වෙනවා කියලා හිතාගෙන ඉන්නවා. ඉදිරිය ගැන ලොකු අහස්මාලිගා තනාගෙන නෙවෙයි ඉන්නෙ. අද දවස හොඳින් ගත කිරීම තමයි මගේ විදිය.
![](https://blogger.googleusercontent.com/img/b/R29vZ2xl/AVvXsEiaM7ZPoCKRLpDn5CniYiSZ5ifkEK1aS_QOGb2BDXxEYm-nc0GlH6zjyUWUkdvb9FGE8E9p5WwWxAbbC6Au16KevsSjN5q8N92zwvbZG0o2MutwUi5KkHctzr58I-lLckDV7anYDqmRSvL3/s16000/71517370_1317896558389607_6731790594240151552_n.jpg)
![](https://blogger.googleusercontent.com/img/b/R29vZ2xl/AVvXsEiz7qgCoj9cIOyX0AMxxOeugbvtKbHpPf4_LJa6jADplEdhMMWexVQeCYe_Wualt0K2ZyBKuejIPlxOVY3_EYGe5mUDrFTJiLBDu9KxPHnvp4wYn3LlanGPPzWqjIMQsvXJGpNhvOqaBS4b/s16000/72621696_1326206910891905_5820856523571593216_n.jpg)
ක්ෂේත්රයේ වඩා සමීප යහළු යෙහෙළියන් කවුද?
පාසලේ සිටි මගේ යාළුවෝ තමයි අදටත් මගේ හොඳම යාළුවෝ. වත්සලා ශෂිනි, ශෂීනා තමයි වගේ හොඳම යාළුවෝ. ප්රශ්නයක් වුණත් මම ඉස්සෙල්ලාම කියන්නෙ. ඒ තුන්දෙනාට. ක්ෂේත්රයේ යාළුවෝ අතරින් සුමිරාන් අයියා (අභිමන්) හේෂාන් මල්ලි වගේ තව ගොඩාක් අය ඉන්නවා.
යාළුවෝ එකතු වුණාම මොකද කරන්නෙ?
හැමෝම කාර්ය බහුල නිසා වෙලාව අඩුයි. මගේ හොඳම යෙහෙළියන් තුන්දෙනාගෙනාගෙන් දෙන්නෙක්ම ඉන්නෙ පිටරට.
ඒ කාලයේ වත්සලා ශෂිණි ශෂිනා එක්ක එකතු වෙලා කරපු දඟවැඩ එහෙම මතක ද?
වත්සලා එක්ක එකතු වෙලා ක්ලාස් කට් කරලා තියෙනවා. සමහර වෙලාවට අපි දෙන්නා කළ හොර වැඩ කියන්න බැහැ.
කොල්ලන්ට ලනු දුන්නලු නේද?
අපෝ නැහැ. වත්සලාට තවම පෙම්වතෙක්වත් නැහැ. එයා හරි හොඳයි.
![](https://blogger.googleusercontent.com/img/b/R29vZ2xl/AVvXsEgVTcHg38-6_y2TSNbsnHkZNIM7SeF4YyLcJ1tQgqEjoAjvXu_mmQHnmm1WDDnyjiR6PkhYyzUQ1py1YhnzjavDCakeuloIT4NUak3ahGaTvA6qYqo9qB3YNgRSYk9JU4JdpKD3R7i6mF1U/s16000/97205554_1530419553803972_8541639024786276352_n.jpg)
![](https://blogger.googleusercontent.com/img/b/R29vZ2xl/AVvXsEgu9TMOWvZHBjPexw7ZsWtAn4EYUxZJiH3katKPVcZ4WYKydgDMQ6r4VZBda4HATuwLxjm6UHL8m4SLQZGK6DxItb7gVorJq6lgZiOep9l_xY62ArEr9BewhprjceeW8zVYwxNR29ywk9Ob/s16000/97262184_1530419543803973_3979859242143186944_n.jpg)
යෙහෙළියන් තුන්දෙනා රඟපෑමට කැමතියි. කියලා කියන්නෙ නැද්ද?
එයාලා එහෙම කියන්නෙ නැහැ. වත්සලා ඉංජිනේරු ක්ෂේත්රයේ අනෙක් දෙන්නත් තවම නම් මට ඒ ගැන කියලා නැහැ. එයාලා රඟපාන එකක් නැහැ.
ඔය යෙහෙළියන් තුන්දෙනා සහ ඔබ අතරින් වඩා ලස්සන කවුද?
එහෙම කියන්නත් බැහැ. හතර දෙනාම ලස්සනයි.
ටනාෂාට රටට මොකද කියන්න තියෙන්නේ?
මේ තියෙන තත්ත්වය භයානකයි. මොන දේ කළත් සෞඛ්ය නීතිරීති එක්ක ඒවාට අවනතව වැඩ කරන්න. අපි ෂූටිං යන්නෙ ඒ වැඩේ කරන්න විතරයි. ඒ හැර පිටස්තර කොහේවත් යන්නෙ නැහැ. රංචු ගැහෙන්නෙත් නැහැ. මේ තත්ත්වය තේරුම් ගෙන හැමෝම පරිස්සම්වීම වඩා හොඳයි.
෴ සටහන - සඳුන් ගමගේ
උපුටා ගැනීම - ඉරිදා ලංකාදීප සැඳැල්ල
ඡායාරූප - මුහුණු පොතින්