මිලියන 10 කට එන්නත් දීමේ ඉලක්කයක් - මවිත : Mawitha.com : All the latest Sri Lanka and world breaking news and current affairs in Sinhala

Hot

Stay Safe

Katayam.com

Aug 5, 2021

මිලියන 10 කට එන්නත් දීමේ ඉලක්කයක්

සතියක් ඇතුළත මිලියන 10ක ජනතාවකට එන්නත් ලබාදීමට බංග්ලාදේශය සූදානම් වේ. දෛනිකව වාර්තා වන නව කොරෝනා හෙවත් ‘කොවිඩ්-19’ වයිරස ආසාදිතයන්ගේ ගණන වේගයෙන් ඉහළ යෑම නිසා බංග්ලාදේශය මේ වනවිට දරුණු අභියෝගයකට මුහුණ දී තිබේ. 

ඒ අනුව ලබන අගෝස්තු 7 වැනිදා සිට සතියක් තුළ මිලියන 10කට කොවිඩ්-19 එන්නත ලබාදීමට බංග්ලාදේශය සැලසුම් කර ඇත. එම වැඩසටහනට සෞඛ්‍ය සේවකයන් දස දහස් ගණනක් සම්බන්ධ වන බවත් සෞඛ්‍ය මධ්‍යස්ථාන 14,000කදී මෙම එන්නත්කරණ වැඩසටහන ක්‍රියාත්මක වන බවත් බංග්ලාදේශයේ ජ්‍යෙෂ්ඨ අමාත්‍යවරයකු වන ඒ.කේ.එම්. මොසම්මුල් හක් පවසා ඇත.

“සතියක් ඇතුළත මිලියන 10කට වැඩි පිරිසකට එන්නත් ලබාදෙනවා. වැඩිහිටියන්, සේවකයන් සහ කඩසාප්පුවල සිටින පුද්ගලයන්ට මෙහිදි ප්‍රමුඛත්වය දෙනවා” යැයි හෙතෙම කීය. මේ වනවිට එවැනි පිරිසකට එන්නත් ලබාදීම සඳහා ප්‍රමාණවත් එන්නත් මාත්‍රා තොගයක් තිබෙන බවත් කොවැක්ස් වැඩසටහන යටතේ ඉදිරියේ දී ඇමෙරිකා එක්සත් ජනපදයෙන් සහ චීනයෙන් එන්නත් ලැබෙන බවත් බංග්ලාදේශ සෞඛ්‍ය අමාත්‍යාංශයේ ප්‍රකාශක මයිදුල් ඉස්ලාම් ප්‍රොදාන් පැහැදිලි කරයි.

බංග්ලාදේශය රටට ක්‍රියාත්මක වන පරිදි පසුගිය ජූලි 1 වැනිදා ලොක්ඩවුන් සීමා පැනවීය. එම ලොක්ඩවුන් සීමා දීර්ඝ කිරීමට බංග්ලාදේශ සෞඛ්‍ය අංශ පියවර ගෙන ඇත. කෙසේ නමුත් ජූලි මාසයේ මැදදී ආගමික උත්සවයක් වෙනුවෙන් ලොක්ඩවුන් සීමා ලිහිල් කිරීමට ද බංග්ලාදේශය පියවර ගෙන තිබිණි.

රටටම බලපැවැත්වෙන පරිදි ක්‍රියාත්මක කළ ලොක්ඩවුන් සීමා අගෝස්තු 10 වැනිදා දක්වා දීර්ඝ කිරීමට ද බංග්ලාදේශය පියවර ගෙන ඇත. 

කඩසාප්පු සහ පොදු ප්‍රවාහනය ලබන සතියේ සිට ආරම්භ කරන බවත් කෙසේ නමුත් නිවසින් බැහැරට ගොස් රාජකාරී කළ හැක්කේ එන්නත් ලබාගත් කඩසාප්පු හිමියන්ට සහ ප්‍රවාහන සේවකයන්ට පමණක් බවත් සෞඛ්‍ය අමාත්‍යාංශයේ ප්‍රකාශක අමාත්‍ය මොසම්මුල් හක් පැවැසීය.

බංග්ලාදේශයෙන් මේ වනවිට නව කොරෝනා වයිරස ආසාදිතයන් මිලියන 1.3ක් වාර්තා වී ඇති අතර වාර්තා වී තිබෙන මරණ ගණන 21,160කි.

෴ උපුටා ගැනීම - CNN

No comments:

Post a Comment

Stay Safe

Stay_Safe Free_Ad