'ෆයිසර්' සමාගමෙන් පෙත්තක් - මවිත : Mawitha.com : All the latest Sri Lanka and world breaking news and current affairs in Sinhala

Hot

Stay Safe

Katayam.com

Nov 7, 2021

'ෆයිසර්' සමාගමෙන් පෙත්තක්

ඇමෙරිකාවේ 'ෆයිසර්' සමාගම, 'කොවිඩ් 19' වයිරස අඩපණ කළ හැකි බෙහෙත් පෙත්තක් හඳුන්වා දීමට සූදානමින් සිටී. මෙම පෙත්ත වෙළෙඳපොළට නිකුත් වනු ඇත්තේ 'පැක්ස්ලොවිඩ්' යන වෙළෙඳ නාමය යටතේ යැයි 'ෆයිසර්' සමාගම පැහැදිලි කරයි. 

'පැක්ස්ලොවිඩ්' සම්බන්ධයෙන් අවසන් සායනික පර්යේෂණ ඉතා සාර්ථකව අවසන් වෙසින් පවතින බවත් 'කොවිඩ් 19' ආසාදිතයන් රෝහල් ගත කිරීමට සහ මරණයට පත්වීම සියයට 89 කින් අඩු කිරීමට බෙහෙත් පෙත්තට හැකියාව ඇති බවත් 'ෆයිසර්' සමාගම පවසා ඇත.

සායනික පර්යේෂණ සම්පූර්ණ වූ සැණින්, 'පැක්ස්ලොවිඩ්' සඳහා ඇමෙරිකන් ආහාර සහ ඖෂධ පාලන අධිකාරියේ අනුමැතිය ලබා ගැනීමට 'ෆයිසර්' සමාගම සූදානමින් සිටී. 'පැක්ස්ලොවිඩ්' බෙහෙත් පෙත්ත 'කොවිඩ් 19' ආසාදිතයන්ට නිවසේ සිට වෛද්‍ය උපදෙස් අනුව භාවිතයට ගැනීමට හැකිවෙයි. 

'පැක්ස්ලොවිඩ්' බෙහෙත් පෙත්ත ඇමෙරිකාවේ 'මර්ක්' ඖෂධ සමාගම නිපදවා ඇති 'මොනුපියර්වියර්' බෙහෙත් කරලට සමාන යැයි ද වෛද්‍ය පර්යේෂකයෝ පෙන්වා දෙති. 'මොනුපියර්වියර්' බෙහෙත් කරලට මේ වනවිට ලොව රටවල් රැසකින් ඇණවුම් ලැබී ඇත. ඒ, බ්‍රිතාන්‍ය ඖෂධ පාලන අධිකාරිය 'මොනුපියර්වියර්' භාවිතයට සුදුසු යැයි අනුමත කිරීමත් සමඟය. 

'මොනුපියර්වියර් බෙහෙත් කරලට හිමිවුණු පළමු අනුමැතිය එයයි. 'කොවිඩ් 19' ප්‍රතිශක්තිකරණ එන්නත් අතින් ලොව ඉදිරියෙන්ම පසුවන්නේ 'ෆයිසර්' එන්නතය. අවුරුදු 5 සිට 11 දක්වා ඇමෙරිකාවේ කුඩා දරුවන්ට හෙට (8) සිට 'ෆයිසර්' එන්නත ලබා දීම පවා ආරම්භ වෙයි. 'ෆයිසර්' සමාගම පවසා ඇත්තේ ඔවුන්ගේ ප්‍රතිශක්තිකරණ එන්නත සේම, 'පැක්ස්ලොවිඩ්' බෙහෙත් පෙත්ත ද ලොව පුරා ජනප්‍රිය වනු ඇති බවය.

෴ උපුටා ගැනීම - CNN

No comments:

Post a Comment

Stay Safe

Stay_Safe Free_Ad