වෛද්‍ය පාලිත අබේකෝන් ලෝක සෞඛ්‍ය සංවිධානයට - මවිත : Mawitha.com : All the latest Sri Lanka and world breaking news and current affairs in Sinhala

Hot

Stay Safe

Mawitha Ads

Jan 9, 2021

වෛද්‍ය පාලිත අබේකෝන් ලෝක සෞඛ්‍ය සංවිධානයට


සෞඛ්‍ය අමාත්‍යාංශයේ ජ්‍යෙෂ්ඨ උපදේශකවරයකු වන විශේෂඥ වෛද්‍ය පාලිත අබේකෝන් මහතා ලෝක සෞඛ්‍ය සංවිධානයේ ‘කොවිඩ්-19’ වයිරසය පිළිබඳ සොයා බලා තීන්දු තීරණ ගන්නා විශේෂ කමිටුවේ නියෝජිතයකු ලෙස පත් කර තිබේ.තීැණ 

ලොවපුරා පැතිර යන කොවිඩ්-19 වයිරසයට ගෝලීයව ප්‍රතිචාර දැක්වීමේ අරමුණින් ලොව විවිධ ප්‍රදේශ සම්බන්ධ කරගනිමින් උපායමාර්ගික උපදෙස් ලබාදීමත් ඉහළ පෙළේ දේශපාලනික සාකච්ඡා යනාදිය සඳහාත් ලෝක සෞඛ්‍ය සංවිධානයේ අධ්‍යක්ෂ ජෙනරාල් වෛද්‍ය ටෙඩ්‍රෝස් අදනොම් මහතා පසුගිය වසරේ දෙසැම්බර් 21 වැනිදා හයදෙනකුගෙන් සමන්විත විශේෂ නියෝජිතයන් පිරිසක් පත් කළේය.

එම පිරිස අලුත් කරමින් ඊට විශේෂඥ වෛද්‍ය පාලිත අබේකෝන් මහතා ඇතුළත් කිරීමට ලෝක සෞඛ්‍ය සංවිධානයේ ප්‍රධානී ටෙඩ්‍රෝස් අදනොම් මහතා පියවර ගෙන ඇත.

ඔහු මේ සම්බන්ධයෙන් ට්විටර් පණිවුඩයක් ද නිකුත් කර ඇත.
විශේෂඥ වෛද්‍ය පාලිත අබේකෝන් මහතා ලෝක සෞඛ්‍ය සංවිධානයේ දකුණු-නැගෙනහිර ආසියානු කලාපීය කාර්යාලයේ සෞඛ්‍ය පද්ධති සංවර්ධන අධ්‍යක්ෂවරයා ලෙස ද කටයුතු කර ඇත. 

හෙතෙම ශ්‍රී ලංකා වෛද්‍ය සභාවේ හිටපු සභාපතිවරයකු ද වෙයි.

විශේෂඥ වෛද්‍ය පාලිත අබේකෝන් මහතා ජිනීවා, සදර්න් කැලිෆෝනියා සහ හාවර්ඩ් විශ්වවිද්‍යාලයේ මහජන සෞඛ්‍ය පාසලෙන් පශ්චාත් උපාධි අධ්‍යාපනය සහ පුහුණුව ද ලබා ඇත. 

No comments:

Post a Comment

Stay Safe

Stay_Safe