ඇෆ්ගන් ශ්රේෂ්ඨාධිකරණ විනිසුරුවරියන් දෙදෙනකු කාබුල් අගනුවරදී වෙඩි තබා ඝාතනය කර ඇතැයි එරට පුවත් සේවා වාර්තා කරයි.
විනිසුරුවරියන් දෙදෙනා උදෑසන රාජකාරී සඳහා යමින් සිටිද්දී, ඔවුන් ලුහුබැඳ යතුරු පැදිවලින් ආ තුවක්කුකරුවන් ඔවුන්ට වෙඩි තබා පලා ගොස් ඇත.
විනිසුරුවරියන් ඝාතනය සම්බන්ධයෙන් කිසිදු පාර්ශ්වයක් වගකීම බාරගෙන නැත.
එය තලේබාන් ත්රස්තවාදීන් කළ ඝාතනයක් යැයි සැක කෙරේ.
පසුගිය කාලයේ ඇෆ්ගන් විනිසුරුවරුන්, සමාජ ක්රියාකාරීන්, මාධ්යවේදීන් ඇතුළු බොහෝ දෙනා මේ අයුරින් වෙඩි තබා ඝාතනය කෙරුණි.
රොයිටර්
