කොරෝනා මැද නෝර්වේ අගමැතිනිය සාදයක් පවත්වලා - මවිත : Mawitha.com : All the latest Sri Lanka and world breaking news and current affairs in Sinhala

Hot

Stay Safe

Katayam.com

Apr 12, 2021

කොරෝනා මැද නෝර්වේ අගමැතිනිය සාදයක් පවත්වලා

'කොවිඩ් 19' නව කොරෝනා වයිරස ව්‍යාප්තිය පාලනය කර ගැනීමට සෞඛ්‍ය අංශ තහංචි පනවා තිබියදී, ඒ ගැන කිසිදු තැකීමක් නොකර, සිය උපන් දිනය සමරමින් සාදයක් පැවැත්වූ නෝර්වේ අග්‍රාමාත්‍ය එර්නා සොල්බර්ග් ට දඩ නියම කළ බව එරට පොලිසිය කියයි. 

නෝර්වේ සෞඛ්‍ය අංශ පනවා ඇති නීතිවලට අනුව, කොරෝනා ව්‍යාප්තිය හේතුවෙන් පුද්ගලයන් 10 දෙනකුට වඩා එක්රැස් නොවිය යුතු අතර, සැමවිටම සමාජ දුරස්ථභාවය ආරක්ෂා කරගත යුතු වෙයි. 

අග්‍රාමාත්‍යවරිය, එම සෞඛ්‍ය නීතී සම්බන්ධයෙන් පිළිබ‍ඳ කිසිදු තැනීමක් නොකර, පසුගිය පෙබරවාරියේ, සිය 60 වැනි උපන් දිනය සමර ඇත්තේ, කඳුකරයේ නිවාඩු නිකේතනයකදීය. 

උපන් දිනය වෙනුවෙන් පැවැති සාදයට ඇය ඇගේ ඥාතීන් 13 දෙනකුට ඇරයුම් කර ඇත. සාදය සැලැසුම් කර ඇත්තේ අග්‍රාමාත්‍යවරිය සහ ඇගේ සැමියා එක් වෙමිනි. 

කෙසේ නමුත් පුද්ගලයන් 10 දෙනකුට වඩා එක්රොක් විය නොහැකි යැයි යන තහංචිය හේතුවෙන් අග්‍රාමාත්‍යවරියට නොර්වේ ක්‍රව්න් (ක්‍රොන්) 20,000 ක් (ඇමෙරිකන් ඩොලර් 2,352) දඩ ගෙවීමට සිදුවී ඇති බව පොලිස්පති ඕලේ සොවාද් පවසයි. 

'නීතිය කාටත් පොදුයි. අග්‍රාමාත්‍යවරිය කියා විශේෂත්වයක් නැහැ. වරදක් කළා නමහ් දඩුවම් ලැබිය යුතුයි.' යැයි පොලිස්පතිවරයා මාධ්‍ය හමුවේ අවධාරණය කර තිබේ. 

අග්‍රාමාත්‍යවරිය කළ ක්‍රියාව සමාජ මාධ්‍ය ඔස්සේ ප්‍රසිද්ධියට පත් වෙද්දී, ඇය, ඇය අතින් සිදුවුණු වරද සම්බන්ධයෙන් සමාව ඉල්ලීමක් කළාය. සෞඛ්‍ය නීති අනුව පොලිසිය ඇයට විරුද්ධව පියවර ගත්තේ පසුගිය 9 වැනිදාය. 

තවමත් ඒ සම්බන්ධයෙන් අග්‍රාමාත්‍යවරිය හෝ අග්‍රාමාත්‍ය කාර්යාලය හෝ කිසිදු ප්‍රකාශයක් සිදු කර නැත. එර්නා සොල්බර්ග් ධුර කාල දෙකක් තිස්සේ නෝර්වේ රාජ්‍යයේ අග්‍රාමාත්‍ය ධුරයේ රැදී සිටී. නෝර්වේ පාර්ලිමේන්තු මැතිවරණය මෙම සැප්තැම්බරයේ පැවැත්වීමට නියමිතය. 

සෞඛ්‍ය උපදෙස් අනුව, ඉදිරියේ දී එම කටයුතු සිදු කිරීමට මැතිවරණ බලධාරීන් බලාපොරොත්තුවෙන් සිටින බව මාධ්‍ය වාර්තා කර තිබේ. යුරෝපයට අයත් රටක් වන නෝර්වේ හි මේ වනවිට කොරෝනා ආසාදිතයන් ලක්ෂය පසු කර තිබේ. 

සෞඛ්‍ය අංශ අනුව, සමස්ත ආසාදිතයන් ගණන 1,03,200 කි. මරණ වාර්තා වන්නේ 684 ක් ලෙසය. වයිරසය ආසාදනය වී සුවය ලැබූ ගණන 88,952 කි. 

 නෝර්වේ රාජ්‍යයේ හිටිහැටියේ කොරෝනා ආසාදිතයන් ඉහළ ගියේ මෙම වසරේ ජනවාරියේය. ඒ, විකෘති වයිරස ප්‍රභේද රට පුරා පැතිර යෑමට පටන් ගත් බැවිනි. 

ඒ අනුව පසුගිය පෙබරවාරියේ සිට, නොර්වේ සෞඛ්‍ය අංශ මැදිහත් වෙමින් වයිරස ව්‍යාප්තිය පාලනය කර ගැනීමට දැඩි සෞඛ්‍ය නීතී පැනැවීය. 

රොයිටර්

No comments:

Post a Comment

Stay Safe

Stay_Safe Free_Ad